Ибрагимович: "Погба танқидчилари оғзини юмиши ва ўз иши билан шуғулланиши керак"
17 nov 2018 10:58
News

Ибрагимович: "Погба танқидчилари оғзини юмиши ва ўз иши билан шуғулланиши керак"

"Лос-Анжелес Гэлакси" ҳужумчиси Златан Ибрагимович кўп танқид қилинаётган "Манчестер Юнайтед" ва Франция терма жамоаси ярим ҳимоячиси Поль Погбани ҳимоя қилди.

"Погба номига бўлаётган танқидлар кулгили бўлиб бормоқда, ҳамма нарсада уни айблашмоқда. Кимдир қизил чироқда ўтиб кетса - Погба айбдор, ғилдирак тешилса - Погба айдор. Нимадир ўхшамаса - яна Погба айбдор. Уни танқид қилаётганлар эътиборни ўзига қаратишга уриняпти.

Улар ўзига қараб, айниқса собиқ футболчилар ўзига савол бериши керак: "Мен футболчи бўлганимда нимага эришганман?" Чунки улар яхши ўйинчи бўлишмаган, мен бу футболчиларга қарши тўп тепганман. Уларга айнан шу гаплари ва эътиборни тортиши учун пул тўлашади, бироқ гапларни факт билан исботлаш керак. Танқидчилар оғзини юмиб, ўз ишлари билан шуғулланиши лозим" - дейди Ибрагимович.

25 ёшли Погба жорий мавсум МЮ сафида 15та учрашув ўтказиб, 5та гол урди ва 4та голли пас берди.

Link :

Source : FourFourTwo

Receive latest football news directly on your phone. Subscribe for our Telegram channel!

Rating: +11