Скоулз МЮнинг ёзги трансфер кампаниясини қоралади

"Юнайтед" якшанба куни "Манчестер Сити"га 0:3 ҳисобида мағлуб бўлди.

"Менимча, уларда сифат йўқ.

Ярим ҳимояда тўрт ёки беш нафар ўйинчидан қайси икки нафарини майдонга тушмасин – Каземиро, Бруну, Майну – улар уриниб кўрган комбинация иш бермаяпти. Бу катта муаммо. Мен ёз давомида асосий мақсад – оёқда яхши ўйнайдиган, ўйинни назорат қила оладиган марказий ярим ҳимоячини олиб келиш деб ўйлагандим.

Дарвозабон (шунингдек) асосий муаммо эди. Улар "Гримсби"гача Онана етарли даражада яхши эмаслигини тушунишлари керакмасмиди? Агар "Манчестер Юнайтед" Жанлуижи Доннарумма билан қизиқмаган бўлса, бу – жиноят.

Трансфер бўлими унинг ўрнига ҳужумчиларни сотиб олишга киришиб кетди. Бу ҳал қилиниши керак бўлган муаммо, лекин бирданига уч нафарини сотиб олиш керакмиди? Бу зарур бўлганига ишончим комил эмас”, – деди Скоулз.