Пол Паркер: "Онана дарвозабон эмас"

Кеча манкунианликлар 4-дивизион вакили "Гримсби Таун"га мағлуб бўлиб, Англия лига кубогини тарк этди. Ушбу баҳсда ўтказиб юборилган иккала голда ҳам Андре Онана қўпол хатога йўл қўйди.

"Майдондаги исталган футболчининг ҳафталик маоши "Гримсби"нинг барча футболчилариникидан кўп. Ушбу жамоадаги барча футболчиларнинг ҳафталик маоши 200 минг фунт чиқади деб ўйламайман. "Юнайтед"да эса ҳафтасига бундан кўп маош оладиган футболчилар бор. Бу ёмон ҳолатдан далолат.

Бу хаосга айланиб кетиши мумкин. Кўчага чиқар эканман, одамлар менга қараб: "Дарвозабонингизга нима бўлди?" дейишади. Гап шундаки, у дарвозабон эмас. Гап тамом! "Манчестер Юнайтед"га янги дарвозабон кераклиги кундек равшан. У жуда яхши пас берадими, оёқда зўр ўйнайдими, бунинг умуман фарқи йўқ. У дарвозасига келаётган зарбаларни қайтариши керак", - деди Паркер.