Ҳасанжон Эргашев "Локомотив"нинг "КЮ-2015" иштирокчилари билан футбол ўйнади
28 dec 2015 15:11
News

Ҳасанжон Эргашев "Локомотив"нинг "КЮ-2015" иштирокчилари билан футбол ўйнади

Хабарингиз бор, куни кеча сайтимизнинг беш ёшга тўлиши муносабати билан бемор Ҳасанжон Эргашевга атаб футбол юлдузларидан иборат шоу учрашувини ўтказган эдик.

Шоуда қатнашган Ҳасанжоннинг ўзи ҳам маросимдан кейин дадасига футбол ҳақида гапиравергач, тадбир ҳомийларидан бири бўлган "Локомотив" профессионал футбол клуби уни ўз мактабининг машғулотларига таклиф этди. Биз учун аҳамиятлиси шундаки, Ҳасанжон Эргашев сайтимиз томонидан ўтказилган "Келажак Юлдузлари-2015"да қатнашган "Локомотив"нинг 2006 йилда таваллуд топган ёш футболчилари билан машғулот ўтказди.

Ҳасанжон 2016 йилнинг 2 январь куни даволаниш учун Ҳиндистонга учиб кетади. Президентмииз томонидан "Соғлом она соғлом бола" йили деб эълон қилинган янги йилда Ҳасанжонга соғлиқ ва омонлик тилаймиз!