Ботирали Эргашев: "Хатолардан фожиа ясаш керак эмас"
03 sep 2025 16:45
News

Ботирали Эргашев: "Хатолардан фожиа ясаш керак эмас"

CAFA Nations Cup 2-туридан ўрин олган Туркманистонга қарши ўйиндан сўнг (2:1) Ўзбекистон терма жамоаси дарвозабони Ботирали Эргашев ўз фикрлари билан ўртоқлашди.

"Ғалаба билан барчани табриклайман. Учрашув бошида бироз қийинчиликларга дуч келдик, кейинчалик ўз ўйинимизни топиб олдик.

Терма жамоа либосини кийиш ёқимли. Буни оқлашга ҳаракат қилдик. Бундан хурсандмиз.

Таркибда янги футболчилар кўп, шу боис бир-биримизни тушуниб олиш учун бироз вақт керак. Бундай ҳимоявий хатоларни тўғриласа бўлади. Бундан фожиа ясаш керак эмас. Кейинги ўйинларда камчиликларни бартараф этишга ҳаракат қиламиз", деди 30 ёшли футболчи.