Ҳамиджон Актамов: "Ўйиндан олдин "Сўғдиёна"ни ютиб қўйганимиз қимматга тушди"

— Бугунги ўйин қандай бўлганини таблодаги ҳисобни ўзи ҳам кўрсатиб турибди. Жиззах жамоасини табриклайман. Аввалам бор мухлисларга раҳмат. Мухлислар билан тўла стадионнни анчадан бери кўрмаган эдим. «Сўғдиёна»нинг бугунги ғалабасида мухлислар асосий сабабчи бўлди деб ўйлайман. Жиззах жамоаси юқори ўринларга муносиб жамоа. Даврон Файзиев билан ўртоқмиз. Кўп фикрлар алмашиб турамиз. Даврон бор эътиборини ёшларга қаратиб, тўғри йўналишда кетаяпти.

— Лукинни тақдири нима бўлган? баъзи сайтларда уни клубда ишламаётгани ҳақида ўқигандик..

— Юрий Лукин ишдан бўшатилмаган. У менга яқиндан ёрдам бериб келмоқда. Бизнинг жамоада бош мураббий бу — маслаҳатчи мураббий, яъни мен…

— Бугунги мағлубиятга нима сабаб бўлди деб ўйлайсиз?

— Биз бугун ўйиндан олдин «Сўғдиёна»ни ютиб қўйгандик. Рақибга нотўғри баҳо беришимиз бизга қимматга тушди.

— Шевченкони таркибда кўрмадик?

— Биз ПФЛдан футболчиларни рўйҳатдан ўтказаётганимизда оғир вазиятга кириб қолдик. Шевченкога шифокорлар ўйнамаслигини, соғлигида муаммолар борлигини айтишди. Биз ҳужумчи излаб, оҳири Наврўз Алимовни жамоага ёрдам бериши учун олиб келдик.