Гвардиола “Реал” билан ўйин ҳақида: “Буюк клублар ҳаммасини ўзгартириб юбориши мумкин. Устунлик ҳақида ўйламаслигимиз керак”

Мазкур жамоаларнинг Мадридда ўтган илк учрашувида “Манчестер Сити” 2:1 ҳисобида ғалаба қозонган.

“Биз биринчи беллашувда яхши натижага эришдик. Агар “Манчестер Сити” ушбу натижага маҳлиё бўлиб қолса, бизнинг кейинги босқичга ўтишимиз қийинлашади. Биз олдимизда турган 95 дақиқа давомида бор эътиборимизни ўйинга қаратиб, масъулият билан тўп тепишимиз керак бўлади.

Айни пайтда биринчи учрашувдан кейинги устунлигмиз ҳақида ўйлашнинг ҳожати йўқ. Бу қандай устунлик эканлигини жуда яхши биламиз. Буюк жамоалар ўйин тақдирини исталган вақт ўзгартириб юборишлари мумкин, “Барселона” ва “Бавария” сингари. “Реал” ЧЛ баҳсларида қандай ҳаракат қилиш лозимлигини билади ва жавоб ўйинидаям худди шундай ҳаракат қилади”, деди Гвардиола.