Ғузорда Эшмурод Чоршанбиев хотира турнири бўлиб ўтмоқда ФОТО

“Шўртан”ПФК раҳбарияти томонидан 5-10 ноябрь кунларигача Ғузор шаҳрида “Ғузор болалар спорт мажмуаси ” футбол майдонларида  2005-2006 йилларда туғилган болалар  ўртасида воҳа футболи ривожланишига ўлкан ҳисса қушган ғузорлик  марҳум мураббий Эшмурод Чоршанбиев хотирасига бағишлаб илк турнири бўлиб ўтмоқда. Мазкур мусобақада жами 10 та жамоа икки бўлинган ҳолда, ғолиблик учун кураш олиб бормоқда.

Кеча ушбу турнирнинг  ярим финал баҳсларидан ўрин олган қизиқарли икки учрашув  бўлиб ўтди.

Ёш иқтидор эгалари ўртасида кечган томошабоп футбол баҳсларида  ўтган ҳар икки ярим финал жуфтлигида ғолиблар номи фақатгина учрашувдан кейинги яъни “омад лотарияси” пенальтилар сериясида аниқланди.

Дастлаб, биринчи ярим финал жуфтликлари Сами Игамбердиев мураббийлигидаги Самарқанднинг “БЎСМ-1”жаоаси  Денов футбол интернати тарбияланувчиларига қарши майдонга чиқишди.

Томошабоп баҳснинг асосий вақтида  ҳар икки жамоа нурсиз дурангга рози бўлишди.ҳисоб  1:1

Мусобақа регламентига кўра,  ёш футболчилар пенальтилар тепиш сериясида ўз омадларини синовдан ўтказишди.

Унда ҳал қилувчи зарбаларни беришда рақибларига нисбатан анча аниқроқ ҳаракат қилган самарқандлик ёш футболчилар ғалабани тантана қилишди. Ҳисоб 2:1, умумий натижа эса 3:2.

Иккинчи ярим финал жуфтлигида  Шерзод Якубов устозлигидаги Фарғона вилояти Бешариқ туманинг “БЎСМ” ёшлар жамоаси  навоийи вилоятининг “БЎСМ-2” жамоасига қарши кураш олиб боришди

Бу учрашувнинг  асосий вақтида ҳам  ғолиб номи аниқланмади. Ҳисоб - 1:1 кўринишини олди.

Учрашувдан кейинги пенальтилар сериясида водийлик  ёш чарм тўп усталари аниқроқ ҳаракат қилишди - 3:2. Умумий натижа - 4:3.

Бугун 10 ноябрь куни Эшмурод Чоршанбиев хотира турнирида дастлаб  3- ўрин учун кечадиган баҳсда  Деновлик ёш футболчилар  Навоийлик тенгдошларига билан ўзора баҳс олиб боришади.

Мусобақанинг ҳал қилувчи финал учрашувида эса “Самарқанд-БЎСМ-1” ва “Бешариқ-БЎСМ “ жамоалари турнир ғолиблик учун майдонга тушишади. Учрашувлар Ғузордаги “Ғузор болалар спортмажмуаси” футбол  майдонларида  бошланади

Ярим финал баҳсларидан  олинган энг сара фото лавҳаларни томоша қилинг.

Фаҳриддин Чориев