"Globe Soccer Awards". Роналду, Роналдо, Дешам, Матюиди, Мендеш 2018 йилнинг энг яхшилари ФОТО

Бироз аввал Криштиану Роналду энг яхши футболчи деб топилгани ҳақида маълум қилган эдик. Қуйида "Globe Soccer Awards" талқинига кўра 2018 йилнинг энг яхшилари деб топилган барча номинацияларни келтириб ўтамиз.

Йилнинг энг яхши футболчиси - Криштиану Роналду (Португалия ва "Ювентус").

Йилнинг энг яхши жамоаси - "Атлетико" (Европа лигаси ва Европа Суперкубоги ғолиби).

Йилнинг энг яхши спорт директори - Фабио Параттичи ("Ювентус").

Йилнинг энг яхши агенти - Жорже Мендеш (Роналду, Моуринью ва бир қатор машхурлар унинг мижозлари).

"Фаолияти учун махсус соврин" (Футбол оламида ишлашда давом этаётган собиқ футболчиларга топширилади) - Звонимир Бобан (Айни пайтда ФИФА бош котиби ўринбосари)

"Энг яхши фаолияти учун" (айни пайтда ўйинчи мақомида бўлган футболчиларга берилади) - Блез Матюиди ("Ювентус"), Франция билан бирга 2018 йилги Жаҳон чемпиони бўлди.

Йилнинг энг яхши мураббийи - Дидье Дешам (Францияни Россияда ўтган 2018 йилги Жаҳон чемпионати ғолиби қилди).

Дешамга совринни ФИФА президенти Жанни Инфантино топширди.

"Энг яхши фаолият" (Футболда ишламаётган собиқ ўйинчиларга берилади) - Роналдо

"Араб футболидаги фаолият" - Сами Ал-Жабер.

"Мураббийликдаги энг яхши фаолият" - Фабио Капелло.

Йилнинг энг яхши араб ҳаками - Муҳаммад Абдуллоҳ

Муҳаммад Абдуллоҳ ўнгда.

Эслатиб ўтамиз, "Globe Soccer Awards" совринини Европа клублар ассоциацияси (ECA) ва Европа футбол агентлари ассоциацияси (EFAA) 2010 йилдан бери аниқлаб келади.