Франция кубоги. “Ренн” пенальтилар сериясида ПСЖдан устун келди
28 apr 2019 09:19
News

Франция кубоги. “Ренн” пенальтилар сериясида ПСЖдан устун келди

“Стад де Франс” стадионида ўтган Франция кубогининг финал беллашувида кутилмаганда “Ренн” футболчилари совринни ўзлари билан олиб кетадиган бўлишди.

Учрашувнинг 13-дақиқасида ПСЖ ҳимоячиси Дани Алвес ҳисобни очди. Тайм ўрталарида Неймар орадаги фарқни оширди. 40-дақиқада ПСЖ ҳимоячиси Кимпембе ўз дарвозасини ишғол этди. Иккинчи бўлим ўртасида “Ренн” ҳимоячиси Мешер мувозанатни тиклади-2:2.

Учрашувнинг асосий ва қўшимча вақтларида дарвозаларга бошқа тўп киритилмади. 118-дақиқада парижликлар форварди Килиан Мбаппе майдондан четлатилди. Пенальтилар сериясида эса омад “Ренн” футболчилари томонида бўлди -6:5.

“Ренн” ўз тарихида учинчи бор Франция кубогини қўлга киритди. Бунгача улар 1965 ва 1971 йилларда ушбу совринни қўлга киритишган. Кубокни қўлга киритиш борасида мутлақ рекордсмен ПСЖ (12 марта) ҳисобланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +32