Эшитдик-да! "Навбаҳор" қизиқаётган футболчига "Насаф" ҳам таклиф билан чиқди

20 июль куни "Навбаҳор" жамоаси 2 нафар футболчига жиддий қизиқаётгани ҳақида хабар берган эдик.

Эшитдик-да! "Навбаҳор" "Олимпик"нинг 2 футболчисига жиддий қизиқмоқда

"Championat.asia" олган маълумотга кўра, "Олимпик" марказий ҳимоячиси Шаҳзод Тоировга "Насаф" жамоасидан ҳам таклиф тушган. "Аждарлар" бош мураббийи Рўзиқул Бердиевнинг шахсан ўзи Тоировни жамоасида кўрмоқчи. Алибек Давроновнинг жароҳати сабаб "Насаф" учун ҳозир энг биринчи приоритет марказий ҳимоячи билан шартнома имзолаш. Қаршиликлар аллақачон футболчи билан алоқага чиқишган. 22 ёшли футболчи икки клубдан бирини танлайди. "Навбаҳор" ва "Насаф" чемпионликни мақсад қилган клубларимиздан, энди улар трансфер ойнасида ҳам ўзаро курашишларига тўғри келади.

Маълумот учун, Шаҳзод Тоиров 1-даврада Суперлига ва Ўзбекистон кубогида жами 10та ўйинда майдонга тушди ҳамда битта гол урди.