Эртага Ўзбекистон кубогига қуръа ташланади ва финал ўтадиган стадион аниқланади
20 mar 13:47
News

Эртага Ўзбекистон кубогига қуръа ташланади ва финал ўтадиган стадион аниқланади

Ўзбекистон кубогининг бу йилги мавсум гуруҳ босқичига эртага, 21 март куни қуръа ташланади.

Жараён Спорт-ТВ орқали 19:30 дан бошлаб жонли эфирга олиб чиқилади. Қайд этиш керак, шу куни Ўзбекистон миллий терма жамоаси ЖЧ-2026 саралаш босқичи доирасида Гонконг билан сафар учрашувида иштирок этади. Ўзбекистон кубоги қуръаси эса мана шу беллашувдан кейин эфирга чиқиши кўзда тутилган.

Ўтган мавсумда бўлгани каби бу йил ҳам гуруҳ босқичида 32 та жамоа иштирок этади. Суперлига ва Пролига клублари мусобақани шу босқичдан бошлайди. Қолган 10 та жамоа номига эса Биринчи лига жамоалари саралаш ўйинлари орқали аниқлик киритади. Лига Биринчи лига жамоаларини тўлиқ саралаб олгач, кубокнинг саралаш босқичи ҳақида алоҳида маълумот берилади.

Бундан ташқари, эртага финал учрашувига мезбонлик қиладиган стадион номи ҳам аниқлаб олинади.

Ўзбекистон Кубоги финалини қабул қилиши мумкин бўлган стадионлар номи эълон қилинди

Link :

Source : ПФЛ матбуот хизмати

Receive latest football news directly on your phone. Subscribe for our Telegram channel!

Rating: +2