Элдор Хошимов: "Бизга омад ва озгина тажриба етишмаяпти"
21 jan 2017 16:55
News

Элдор Хошимов: "Бизга омад ва озгина тажриба етишмаяпти"

Бугун футзал бўйича XXI миллий чемпионатимизнинг 1 босқич 3-тур бешинчи кун беллашувлари ўтказилмоқда.

"Ардус" - "Максам-Чирчиқ" (1:0) учрашувидаги ягона голга муаллифлик қилган Элдор Хошимов фикрларини билдириб ўтди.

"Чирчиқликларга қарши осон ўйин бўлмаслигини билардик, буни учрашувдан олдин бош мураббийимиз ҳам айтган эди. Шунга қараб яхши тайёргарлик кўрдик ва чиройли ўтган ўйинда кичик ҳисобда ғалаба қозондик. Мураббий кўрсатмаларини имкон қадар тўлиқ бажаришга интилдик, лекин вазиятлардан фойдаланиш борасида бироз оқсаяпмиз. Бугунги учрашув ҳам бундан мустасно бўлмади. Жамоамиздаги ҳар бир ўйинчи ўз имкониятини голга айлантиришга уринмоқда, аммо омад ва тажриба бизга салгина панд бермоқда. Насиб қилса, мавсумнинг ҳал қилувчи палласига қадар ўйинимизни анча топиб оламиз", - дейди Элдор Хошимов.