Элдор Суюнов: "Мухлислар стадионни тўлдириб ўтиришса бас, биз уларга ғалабани тақдим этамиз"

"Андижонда ҳар доим шиддатли ўйин бўлади. Бу учрашув жамоамиз учун анча қийин кечди. Тезкор киритиб олинган голдан сўнг биз натижа учун ўйнадик. "Андижон" жамоаси бу баҳсда ёмон ўйнамади. Шунчаки биз маҳорат бобида улардан устунликка эришдик. Бу ўйинда менга жуда кўп иш топилди дея олмайман. Рамзий терма жамоага киришимни кутмагандим. Айтиб ўтганимдек, дарвозамиз олдида у қадар кўп вазиятлар содир этилмади. Шу боис, бу сафар турнинг рамзий терма жамоасидан ўрин оламан деб ўйламагандим. Албатта, бундан хурсандман. Асосийси, биз муҳим ғалабани қўлга киритдик. Ғалабада ва мени рамзий терма жамоага киришимда жамоадошларимнинг ҳиссаси катта бўлди. Бизни олдинда муҳим ўйинлар кутиб турибди. "Олмалиқ" ва "Локомотив" жамоалари чемпионатимизнинг кучли клублари саналишади. Бу учрашувда ҳеч бир жамоага осон бўлмайди. Мухлислар стадионга келиб, бизни қўллаб-қувватлаб туришларини сўраган бўлардим. Стадион ишқибозлар билан тўлса бас, биз мухлисларимизга ғалабаларни тақдим этамиз. Бу борада уларнинг ёрдамлари бизга қўл келиши тайин", - дейди Элдор Суюнов.