Дилшод Жабборов: “Навбаҳор” олдига совринли ўринларни қўлга киритиш вазифаси қўйилган”
21 jan 2017 17:12
News

Дилшод Жабборов: “Навбаҳор” олдига совринли ўринларни қўлга киритиш вазифаси қўйилган”

Мавсумга тайёргарликни Тошкентда ўтказаётган Наманганнинг “Навбаҳор” клуби бугун Бекободнинг “Металлург” клубига қарши навбатдаги назорат учрашувини ўтказди.

Ушбу баҳсда бекободликлар 3:2 ҳисобида ғалаба қозонишди. Ўйиндан сўнг “Навбаҳор” футболчиси Дилшод Жабборов ўз фикрларини билдирди.

“Мавсумга жиддий тарзда ҳамма қатори тайёргарлик кўрмоқдамиз. Машғулотларда кўпроқ жисмоний ҳолатимизга эътибор беряпмиз. Ўртоқлик ўйинларида натижа муҳим эмас.

Жамоамизга кучли футболчилар келиб қўшилишди. Олдимизга совринли ўринларни қўлга киритиш қўйилган. Воҳа жамоаларидан жиддий таклифлар бўлди. Лекин “Навбаҳор”да қолишни маъқул кўрдим. Хориж клубларидан қизиқишлар бўлди, лекин жиддий эмас. Олдимизда “Бухоро” жамоасига қарши яна битта ўртоқлик учрашуви бизни кутиб турибди”, - дейди “Навбаҳор” футболчиси Дилшод Жабборов.