Coca Cola Суперлигаси. Октябрь ойи лауреатлари

Ой дарвозабони - Абдувоҳид Неъматов
Қаршининг "Насаф" клуби сентябрь ойида бешта ўйин ўтказди. Жамоа дарвозабони Абдувоҳид Неъматов эса 4та ўйинда майдонга тушди ва атиги битта гол ўтказиб юборди холос. Посбон ўзининг ишончли ҳаракатлари билан жамоа ғалабаларига муносиб ҳисса қўша олди. Шу боис Абдувоҳид Неъматов championat.asia талқинига кўра октябрь ойининг энг яхши дарвозабони деб топилди. Эътиборлиси сентябрь ойида ҳам Неъматов энг яхши посбон бўлганди. 

Абдувоҳид Неъматов октябрь ойида ўтказган ўйинлари:

"Машъал" 4:1
АГМК 2:0
"Металлург" 2:0
"Қўқон-1912" 1:0

Ой голи - Марко Станоевич
"Насаф" ярим ҳимоячиси Марко Станоевич АГМК билан баҳсда ажойиб гол уришга муваффақ бўлди. Футболчи чамаси 30 метрлардан белгиланган жарима тўпини тўғри дарвозага йўллади ва чиройли гол муаллифига айланди. Championat.asia талқинига кўра, Марко Станоевич октябрь ойидаги энг чиройли гол муаллифига айланди.

Ой футболчиси - Бобир Абдихолиқов
Қаршининг "Насаф" клуби ҳужумчиси Бобир Абдихолиқов сўнгги ойларда жуда ажойиб ўйин намойиш этмоқда. Октябрь ойида футболчи 5та ўйинда майдонга тушиб 4та гол уришнинг уддасидан чиқди. Бобир Қашқадарё дербиси мақомидаги "Машъал" билан баҳсда дублга эришган, Бекободда "Металлург"га гол урган ва жуда муҳим баҳсда "Қўқон-1912" дарвозасини ишғол қилди. Championat.asia талқинига кўра Бобир Абдихолиқов октябрь ойининг энг яхши футболчиси деб топилди.

Ой мураббийи - Шота Арвеладзе
Кузнинг иккинчи ойида "Пахтакор" Суперлигада 4та ўйин ўтказди ва 4та ғалабага эришди. "Шерлар" рақиб дарвозасига 15та гол уриб, 2та гол ўтказиб юборишди. "Пахтакор" дастлаб "Қизилқум"ни 3:1 ҳисобида мағлуб этди. Сўнгра "Сўғдиёна" таслим қилинди - 2:0. Кейин Термизда "Сурхон" йирик ҳисобда тор-мор этилди - 6:0. Ниҳоят ой охирида Муборакда "Машъал" таслим қилинди - 4:1. Жамоа бош мураббийи Шота Арвеладзе ҳақли равишда championat.asia талқинига кўра октябрь ойининг энг яхши мураббийи деб топилди.

Октябрь ойида "Пахтакор" ўтказган ўйинлар:
"Қизилқум" 3:1
"Сўғдиёна" 2:0
"Сурхон" 6:0
"Машъал" 4:1

П.С. АГМК ва "Бунёдкор" билан ўйинлар ноябрь ойида бўлиб ўтди.