“Челси” яна бир футболчиси билан янги шартнома тузади

“Челси” мураббийлар штаби жамоанинг 21 ёшли аъзоси Фикайо Томорининг ҳаракатларидан қониқиш ҳосил қилмоқда. Яқин орада Томорига янги шартнома таклиф этилиши кутилмоқда. Унга 2024 йил ўрталарига қадар мўлжалланган битим таклиф этилади. Томорининг амалдаги шартномаси эса 2021 йилда якунига етади.

Томори — “Челси” академияси тарбияланувчиси. У “кўклар” тизимида 2005 йилдан бери тўп суради. Жорий мавсум эса “Челси” сафида 5 та ўйинда майдонга тушиб, 1 та гол урди.