“Бунёдкор” ФКнинг ЎзПФЛга топширган “заявка”си
05 mar 2016 08:01
News

“Бунёдкор” ФКнинг ЎзПФЛга топширган “заявка”си

Тошкентнинг “Бунёдкор” жамоаси 2016 йилги олий лига ва Ўзбекистон кубоги баҳслари учун ЎзПФЛга футболчиларни рўйхатдан ўтказди.

“Қалдирғочлар” 2016 йилги Ўзбекистон ноҳаваскор ва ярим профессионал футбол клублари ўртасидаги мусобақалар Регламетига мувофиқ барча 45 нафар футболчи хизматидан фойдаланди.

Шунингдек, хорижлик футболчилар учун ўрнатилган лимит ҳам тўлдирилди. Унга кўра, “3+1” кўринишидаги тартиб остида Шакер Зуаги (Тунис), Александар Алемпиевич (Сербия), Юрица Булят (Хорватия) ва Минори Сато (Япония) “қалдирғочлар”нинг хорижлик футболчилари сифатида ҳаракат қилишади.

“Бунёдкор” сафида рўйхатдан ўтган энг ёши катта футболчи Павел Бугало (21.08.1971). Энг ёш футболчи эса Расул Юлдошев (26.10.2000).

45та футболчининг 5 нафари дарвозабон, 15таси ҳимоячи, 17таси ярим ҳимоячи ва 8таси ҳужумчи амплуасида тўп тепади.