"Бунёдкор": Достонбек Ҳамдамов - ОЧЛда “дубль” қайд этган 6-футболчимиз
26 feb 2016 16:05
News

"Бунёдкор": Достонбек Ҳамдамов - ОЧЛда “дубль” қайд этган 6-футболчимиз

Тошкентнинг “Бунёдкор” жамоаси Осиё Чемпионлар лигаси 1-турини Саудия Арабистонида “Ал-Наср” клубига қарши ўтказиб, 3:3 ҳисобидаги дуранг натижа қайд этди.

Шу куни “Бунёдкор”нинг иккита голига Осиёнинг 2015 йилдаги энг яхши ёш футболчиси деб топилган Достонбек Ҳамдамов муаллифлик қилди.

Қайд этиш керакки, Ҳамдамов “Бунёдкор” сафида Осиё Чемпионлар лигаси мусобақаси доирасида “дубль” қайд этган олтинчи футболчи бўлди. Бунгача, Анваржон Солиев, Сержер Жепаров, Денилсон (2 марта) ва Милош Трифунович бир ўйинда иккитадан тўп киритишганди.

“Бунёдкор” тарихида ўзига хос из қолдирган чилилик ҳужумчи Хосе-Луис Вильянуэва эса “хет-трик” қайд этган ягона футболчи бўлиб турибди.

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: +10