Бугун Қатар чемпионатида Темурхўжа Абдухолиқовнинг жамоаси ўйнайди
07 dec 2017 11:56
News

Бугун Қатар чемпионатида Темурхўжа Абдухолиқовнинг жамоаси ўйнайди

Эндиликда Қатар миллий чемпионатини диққат билан кузатишимизга тўғри келади. Чунки кеча Осиё чемпионлар лигасига қуръа ташлангач, "Пахтакор"нинг плей-офф учрашувида "Ал Гарафа", "Локомотив"нинг эса "Ал Дуҳайл" билан ўйнаши маълум бўлди.

"Пахтакор" бу жамоага қарши 30 январь куни баҳс олиб боради. Эртага "Ал Гарафа" ички чемпионатда биринчи давранинг сўнгги тур учрашувини ўтказади. "Ал Гарафа" сафарда "Қатар СК" меҳмони бўлади ва ўйин бизнинг вақт билан 20:10да бошланади.

Бугун эса Темурхўжа Абдухолиқов тўп тепаётган "Ал Сайлия" ўз майдонида ОЧЛда "Локомотив" билан бир гуруҳдан жой олган "Ал Дуҳайл"ни қабул қилади. Мазкур беллашув 18:00да бошланади.

ҚАТАР ЮЛДУЗЛАР ЛИГАСИ. МУСОБАҚА ЖАДВАЛИ

Қатар чемпионатида "Ал Дуҳайл" 28 очко тўплаб биринчи ўринда бормоқда. Абдухолиқовнинг "Ал Сайлия" клуби 18 очко билан тўртинчи ўринни эгаллаб турибди, "Ал Гарафа" ҳисобида эса 10 очко бор ва бу жамоа 7-поғонада келмоқда. Эртага Қатар Юлдузлар лигасининг биринчи давраси ўз якунига етади.