Болалар футболи. “Ёз ўтмоқда соз” мусобақаси энди Қашқадарёда
09 jul 2018 16:35
News

Болалар футболи. “Ёз ўтмоқда соз” мусобақаси энди Қашқадарёда

Болажонлар ёзги таътилни мароқли ва мазмунли ўтказишларини таъминлаш учун Ўзбекистон футбол Ассоциацияси Ўзбекистон касаба уюшмалари Федерацияси билан ҳамкорликда ҳар бир вилоятда футбол фестивалларини ташкил этишга қарор қилгани ҳақида аввал хабар бериб ўтгандик.

Ушбу футбол мусобақасининг навбатдагиси Қашқадарё вилояти Яккабоғ туманидаги “Мирзо Улуғбек” дам олиш оромгоҳида бўлиб ўтди. Мусобақада оромгоҳда дам олаётган болалар фаол иштирок этишди.

Болажонлар жамоаларга бўлинган ҳолда яшил майдонда беллашдилар. Мусобақа якунида ғолибларга ЎФА томонидан эсдалик совғалари тақдим қилинди.