Аёллар футболи спорт тури сифатида бутунлай тугатилиши мумкин

Халқаро профессионал футболчилар ассоциациялари федерацияси (FIFPro)  коронавирус пандемияси туфайли аёллар футболи бутунлай йўқ бўлиб кетиши мумкинлигини эълон қилди. 

Ташкилот баёнотида ҳозирги инқироз даврига қадар ҳам аёллар футболи тўлиқ шаклланмагани ва мустақил оёққа тура олмагани ҳамда бунга сабаб бўлаётган омиллар тўғрисида гапирилган. Сабаблар қаторида қисқа муддатларга имзоланган, номукаммал шартномалар ҳам санаб ўтилган. FIFPro футболда аёллар ҳуқуларининг ҳурмат қилинмаслигига алоҳида урғу берган.

Таъкидланишича, мавсум тўхтатиб қўйилган ҳозирги шароитда аёллар футболи йўқолиб кетиш арафасида турибди. Агар зарур чора-тадбирлар кўрилмаса, спортнинг ушбу турини сақлаб қолиш имконияти деярли бўлмайди.