"Аякс" ва "Тоттенхэм" Бергвейннинг 30 млн евролик трансфери борасида келишувга эришди. МЮ ва "Эвертон" 40 млн евродан ортиқ бермоқчи эди, аммо ўйинчи "Аякс"ни танлади

Нидерландия клуби 24 ёшли футболчи учун 30 млн евро тўлайди. Бергвейн "Аякс" билан 2027 йилга қадар шартнома имзолади.

Қайд этиш керакки, "Эвертон" ва "Манчестер Юнайтед" Стевен учун 35 млн фунт (40,6 млн евро) тўлашга тайёр эдилар, аммо ўйинчи "Аякс"га йўл олишни хоҳлади.

Стевен 2009-2011 йиллар давомида "Аякс" тизимида бўлган, сўнгра эса ПСВга йўл олиб, у ерда 2020 йилга қадар ҳаракат қилган.

Бергвейн "Тоттенхэм"га 2020 йилнинг қишида ўтган эди. У ўтган мавсум Лондон клуби сафида барча мусобақаларда 32та ўйинда майдонга тушиб, 4та гол ва 2та ассист қайд этди.