"Атлетико Мадрид" янги клубга асос солди - "Атлетико Оттава"

Клуб "Атлетико" (Мадрид) франшизаси сифатида ташкил этилди. Жамоа бош мураббийи этиб мадридликларнинг собиқ форварди Миста тайинланди.

"Атлетико Оттава"нинг Канададаги тақдимотига "матрасчилар" бош директори Мигель Анхель Хиль Марин ташриф буюрди.

Мадрид клуби бундан олдин Ҳиндистон Суперлигасини икки марта ютган "Атлетико Калкутта" клубига ҳам эгалик қиларди, аммо бузилган мажбуриятлар туфайли клуб ҳамкорлик битимини тугатган.

Эслатиб ўтамиз, Мадридликларга "Атлетико Оттава"дан ташқари Мексиканинг "Атлетико Сан-Луис" клуби ҳам тегишли.