"Арсенал"нинг 88 фоиз мухлиси Венгернинг кетишини истайди
07 mar 2018 13:13
News

"Арсенал"нинг 88 фоиз мухлиси Венгернинг кетишини истайди

Интернетдаги "The Arsenal Supporters Trust" гуруҳи вакиллари Арсен Венгернинг кетиши борасида сўровнома ўтказишди.

Унга кўра, жамоанинг 88 фоиз мухлиси франциялик мураббийнинг кетишини истайди. Ўтган мавсумда бу натижа 78 фоизга тенг бўлганди.

Гуруҳ вакиллари бу сўровномада қанча одам иштирок этганини эълон қилишмади. Бироқ бу натижани "Арсенал" президенти Иван Газидисга етказишга сўз беришган. Шунга қарамай 68 ёшли Арсен Венгер ҳали жамоадан кетмаслигини, 2019 йилги шартномаси якунланишини кутаётганини маълум қилган.

Бу мавсумда "Арсенал" чемпионлик учун курашдан чиқиб кетди ва АПЛ турнир жадвалида 6-ўрингача тушиб кетди.