"Арсенал" футболчилари "Бавария"га қарши баҳсга тайёргарлик кўришмоқда (фото)

Шанхайдаги 30 даражали иссиқда бажарилган машқлардан сўнг, "Арсенал" футболчилари музли ваннага тушишди.

"Тўпчилар" жисмоний тайёргарлик машқларига анча кўникиб қолишди, бироқ баъзи футболчилар об-ҳаво туфайли ўзини қулай ҳис қилишмаяпти.

Муҳаммад Эл-Нени, Аарон Рэмси, Тео Уолкотт ва Дэнни Уэлбеклар музли ваннани Оливье Жирудек яхши қабул қилишмади.

Музли ваннада Дэнни Уэлбек музлаб қолди

Дэнни Уэлбек ҳам муз ичида ўзини яхши ҳис қилмади

Муз тўлдирилган идиш ичида ўтириш Оливье Жируга ёқиб тушди

Музли ванналар спортчиларга оғир жисмоний машқлардан сўнг тикланишга, мушакларга ва тана ҳарорати тушиши ҳамда қон айланиши яхшиланишига ёрдам беради. Бироқ Дэнни Уэлбек ва Тео Уолкоттларнинг кўриниши улар тикланаётганга ўхшамаслигини кўрсатмоқда.

Бир неча дақиқа олдин улар Шанхайда 30 даража иссиқда машғулот ўтказишди

Бугун, 19 июль куни "Арсенал" Тошкент вақти билан 17:00да "Бавария"га қарши баҳс ўтказади

"Бавария"га қарши баҳсдан сўнг, "тўпчилар" шанба куни "Челси" билан ўйнашади

Арсен Венгер шогирдлари Шанхайда ўтказадиган "Бавария"га қарши учрашувдан сўнг, Пекинга йўл олишади. Улар Хитой пойтахтида "Челси" билан ҳам баҳс ўтказишади.

"Тўпчилар" учун мавсум 6 август куни бошланади. "Арсенал" шу куни "Челси" билан Англия Суперкубоги учун баҳс юритади.

Суперкубок учун ўйиндан беш кун ўтиб, "Арсенал" "Лестер Сити" билан ўйинда Англия Премьер-лигаси 2017-18 мавсумини очиб беради.