Андрей Бакланов: "Жамовий ўйин эвазига ғалаба қозондик"

Бунда жамоанинг тажрибали посбони Андрей Баклановнинг ҳам ҳиссаси катта бўлди. Негаки маҳоратли посбон "Нефтчи" аъзоларининг биринчи тепган пенальтисини қайтаришга эришди. Учрашувдан сўнг Бакланов билан суҳбатлашдик.

- Ўзингиз ҳам гувоҳи бўлдингиз, майдонда кескин кураш кечди. Жангавор руҳда ўтди. Керакли натижа қўлга киритилганидан кейин ҳамма хурсанд холда уйларига қайтди.

- Бу каби олий лига жамоасига қарши кечадиган баҳслардан олдин кучли тайёргарлик кўрасиз. Аслида ўзингизни тайёрламасангиз ҳам барибир ўйинга тайёр бўласиз. Ушбу ғалаба тарихий бўлди. Айтишларича "Қўқон-1912" Фарғона жамоасини бундан роппа-роса 25 йил илгари мағлуб этган экан. Ушбу анъанани давом эттирганимиздан хурсандмиз.

- Стадионимизни тўлдириб ўтирган мухлислар бизни бутун учрашув давомида тинимсиз равишда қўллаб-қувватлаб тургани биз футболчиларга янада қўшимча куч бағишлади. Айнан уларнинг олқишлаб туриши ҳам ғалаба қозонишимизда қўл келди. Қолаверса жамоавий ўйинимиз эвазига ҳам "Нефтчи"ни мағлуб этдик деб ҳисоблайман.

- Пенальтилар серияси бу  лоторея. Унда кўп нарса омадга ҳам боғлиқ. Албатта учрашув пенальтилар сериясига қадар боришини кутмагандик. Шу боис бунга машғулот жараёнида алоҳида тайёргарлик кўрганмиз дея олмайман. Қўшимча таймларнинг иккинч бўлими тугаб бораётгани мураббийимиз менга ишонч билдириб захирадан майдонга туширди. Бу тактик ўзгариш эди. Пенальтиларни қайтаришимнинг ҳеч қандай сири йўқ. Бу борада кўпинча менинг омадим чопади.

- "Нефтчи" ҳам ёмон ўйин кўрсатмади. Уларга омад келмади. Фарғоналикларга кейинги ўйинларда омад тилайман.


Исломбек Рустамбеков суҳбатлашди.