Александр Хомяков: "Ўйин 6 очко учун кечди десак ҳам бўлади"

- Ўйин ҳақида

- Курашларга ва хавфли вазиятларга бой ўйин кўрдик. Бугун қийин бўлишини кутгандик. Ўйлашимча, гол урилмаганига қарамасдан, жанговар дуранг бўлди. Ҳар икки жамоа ғалаба учун ҳаракат қилди. Ёмон ўйин бўлмади. Ўйин 6 очко учун кечди десак ҳам бўлади, чунки жамоалар турнир жадвалининг сўнгги поғоналарида бормоқда ва ҳар бир очко муҳим. Йигитларга ҳаракатлари учун раҳмат айтаман.

- Қизил карточка кўрсатилган ҳолат ҳақида нима дея оласиз?

- Ростини айтсам, ўша вазиятни тўлиқ кўра олмадим. Ҳозирча бу борада ҳеч нарса дея олмайман.

-  Дуранг қониқтирдими?

- Аввало, ютиш учун ҳаракат қилганимизни айтишим керак. Ҳимояга эътибор қаратиб, яхши ўйнадик ва гол ўтказмадик. Умуман олганда, ҳимоядан қониқдим. Ҳужумдаги ишларимиз эса юришмади. 

- Тажрибали футболчи Шаҳзод Шайманов захирада қолиб кетяпти. Бунинг сабаби нимада? Унда жароҳат борми ёки ўйинида пасайиш кузатилганми?

- Шаймановда кичик жароҳат бор эди. У ҳозирча захирадан туша оларди. Лекин уни асосийда тушириш ғояси бор эди, менинг қароримга кўра шундай қилинди. Алоҳида айтишим керак, ҳар бир футболчи ўйинда қатнашиши ва жамоага ёрдам бериши мумкин.