Александр Гейнрих клубининг 12 млрд. сўм қарзи бор экан

Бу ҳақда Sports.kz нашри tvk-uko.kz сайтига асосланиб маълум қилди.

Маълумотларга кўра, "Ордабаси" клуби футболчилари вилоят ҳокимиятига мурожат қилганидан сўнг, Жанубий Қозоғистон вилояти ҳокимиятида йиғилиш бўлган ва унда "Ордабаси" клубининг муаммолари муҳокама қилинган. Клубнинг бугунги кундаги умумий қарзи 500 млн. тенге (марказий банк курси бўйича 12,195 млрд. сўм). Бу қарзни Республика бюджетидан тўлаб бериш ваъда қилинди. Энди "Ордабаси"нинг янги мажбуриятлари пайдо бўлди. Масалан, улар кам таъминланган оилаларга чипта учун чегирмалар қилиши керак. Шу билан бирга, жамоа имконияти чекланганларга янги иш жойи очиши лозим.