Альберто Заккерони: "Ўзбекистонга қарши ўйинда янги ғоя ва тактикалардан фойдаланамиз"

Бу ҳақда мутахассис gulfnews.com сайтига берган интервьюсида айтиб ўтди.

"Гаитига қарши илк ўртоқлик ўйинида фақат 25-дақиқадан сўнг вазият яратишга муваффақ бўлдик. Ўзбекистонга қарши ўйинда янги ғоя ва тактикалардан фойдаланамиз. Яхши формада бўлиш ва чиройли ўйин кўрсатишимиз учун вақт керак. Тўғри, ҳамма тезда натижа бўлишини истайди, бироқ натижага тез эришиб бўлмайди.
Бу ўртоқлик учрашувларида футболчилар бор эътиборини фақат ўйинга қаратиши керак. Агар диққатни бир жойга тўплаб ҳаракат қилишса, бунданда яхшироқ футбол намойиш этишлари мумкин.
Жароҳатлар - спортнинг бир қисми ва бунга қарши ҳеч нарса қила олмаймиз, бироқ Осиё Кубогигача бизда етарлича футболчи бўлади. Мақсадимиз ҳужум ва ҳимояда яхши ҳаракат қиладиган кучли жамоа тузиш. Жамоага янги футболчиларни чақиришга интиламиз. Турнирлар яқинлашса ҳақиқий кучимизни кўрасиз" - дейди Альберто Заккерони.

Эслатиб ўтамиз, БАА ҳамда Ўзбекистон терма жамоалари ўртасидаги ўртоқлик учрашуви бугун Тошкент вақти билан 18:00да бошланади.