Latest news

14:27"Хаби билан бутун футбол оламини ҳайратга солган жамоани шакллантирдик" — "Байер" спорт директори   0 14:00"Сурхон"нинг голида офсайд қайд этилишича ёрдамчи ҳакамнинг қарорига таянилган, VAR'да эса тасвирлар етарли бўлмаган — Эксперт ҳакамлар қўмитаси  12 13:31"Манчестер Юнайтед" тажрибали дарвозабон билан шартномани узайтирмоқчи  0 13:03"Барса" етакчилари Араухонинг "Реал"га қарши ўйнашига қарши  15 12:37Ким чемпион? Гёкереш ёки Ди Мария? Бугун Португалияда мавсум ўйини бор  2 12:17Ямаль машҳур бренднинг элчиси бўлди  1 11:49Рафаэл Леау АПЛнинг топ-клублари диққат марказида  0 11:20Ички ҳиссиёт. "Насаф" бугун Қаршида очко йўқотади(ми)?  15 11:12Роналду "Спортинг"га ўтишга яқин. Португалиялик ЖЧ-2026га қадар ватанига қайтмоқчи  8 10:46"Арсенал" асосий футболчиси билан музокараларни бошлади  3 10:16«Реал» Алонсо учун «Байер»га қанча товон пули тўлаши маълум бўлди  16 09:45Испания терма жамоаси футболчиси "Арсенал" билан келишувга эришди  10 09:17Пол Робинсон: "МЮ ва "Тоттенхэм" ЕЧЛга тайёр эмас"  12 08:50Салоҳ — журналистлар талқинига кўра АПЛда мавсумнинг энг яхши футболчиси  14 08:22"Байер"ни бошқариш учун асосий номзод маълум  1

"8+3". Ўзбек футболидаги энг омадсиз шахс ким? (16-сон) News

"8+3". Ўзбек футболидаги энг омадсиз шахс ким? (16-сон)

Championat.asia'да "8+3" рукни давом этади.

Бу гал Тошкентнинг "Локомотив" клуби матбуот хизмати раҳбари, журналист Хайрулла Холиқов билан суҳбатлашдик. У кишига футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?

- Агар фақат бир кишини айтишга тўғри келса, бу Лионель Месси. Лекин кучли футболчилар кўп. Масалан, ўйини кўрганларим орасида Зинедин Зидан, Тьерри Анри, Роналдиньо, Алессандро Дел Пьеро, Алан Ширер, Неймар ва бошқалар. 

- Сиз кўрган энг чиройли гол қайси?

- Учта энг чиройли голни айтиб ўтсам: 

1. ЕВРО-2000 финалида Давид Трезеге урган голи. 

2. ЕЧЛ-2002 финалида Зидан урган гол. 

3. ЖЧ-2018 саралаш ўйинида Марат Бикмаевнинг Жанубий Корея дарвозасига киритган тўпи.

- Футбол оламида бошқалардан мутлақ ажралиб турадиган шахс ким? 

- Футболчилардан Златан Ибрагимович. Мураббийлардан Антонио Конте. Раҳбарлардан Роман Абрамович. Ҳакамлардан Пьер Луижи Коллина. Шарҳловчилардан Мирзаҳаким Тўхтамирзаев. Журналистлардан Нодирхўжа Юлдашев. Мухлислардан Абдураҳмон Фозилов. 

- Ўзбекистон терма жамоасини бошқарган энг кучли мураббий ким?

- Эктор Купер.

- Ўзбек футболидаги энг омадсиз шахс ким?

- Сайтимиз ходими Толибжон Қосимов. Чунки у Қаршига бориб, "Насаф" билан Баҳрайндаги ОФК Кубоги финалига кета олмай, Тошкентга қайтиб келди (виза чиқмади). 

- Сизнингча, бугунги ўзбек футболининг қайси жиҳатлари танқидга лойиқ?

- Футболимиздаги барча соҳаларда танқид қилса бўладиган мавзулар етарли деб ўйлайман. 

- Сиз бевосита стадионда кузатган энг охирги ўйин?

- 27 ноябрь куни Қаршида ўтказилган "Насаф" – "Локомотив" баҳси. 

- Ўзингиз ўйинларини кузатган футболчилардан рамзий жамоа тузиб беринг.

- Ўз фаолиятини тугатган футболчилардан рамзий терма жамоа:

Дарвозабон - Фабьен Бартез

Ҳимоячилар - Роберто Карлос, Фернандо Йерро, Алессандро Неста, Лилиан Тюрам.

Ярим ҳимоячилар - Луиш Фигу, Дэвид Бекхэм, Зинедин Зидан, Роналдиньо.

Ҳужумчилар - Тьерри Анри, Андрей Шевченко.

Мураббий - Висенте дель Боске

- Ҳаётдаги кумирингиз ким?

- Кино актёрлардан Арнольд Шварценеггер. Ёзувчилардан Ўткир Ҳошимов. Шоирлардан Абдулла Орипов. Футболчилардан Тьерри Анри. 

- Ўзингизга ёқмаган тарафингиз қайсилар? Камчиликларингиз...

- Баъзан шу ишни бугун қилишим керак дейман-у, лекин нимадир бўлиб ортга сурилаверади. Таваккалчи эмаслигим ўзимга ёқмайдиган жиҳат. 

- Ҳаётингизнинг бурилиш нуқтаси сифатида қайси воқеани эслайсиз?

- Менимча, 2000 йил университетга ўқишга кирганим бўлса керак.

"8+3". Аброр Имомхўжаев — Месси, Марадона ва Миржалол Қосимов ҳақида (15-сон)

Rating: -9   

Comments

championat.asia
< show latest news
Яндекс.Метрика