Паулу Соуза: "Насаф"га қарши ўйиндаги натижа шунчаки тўртта гол уришдан кўра кўпроқ маъно касб этади"
22 oct 15:38
News

Паулу Соуза: "Насаф"га қарши ўйиндаги натижа шунчаки тўртта гол уришдан кўра кўпроқ маъно касб этади"

"Шабаб Ал Аҳли" бош мураббийи Паулу Соуза Элит ОЧЛ 3-туридан "Насаф"га қарши ўйиндан сўнг (4:1) матбуот анжуманида ўз фикрлари билан ўртоқлашди.

"Шогирдларимнинг ажойиб ўйинидан ниҳоятда мамнунман. Бугун рақиб дарвозасига 20-21 та зарба йўлладик ва тўртта гол урдик. Футболчилар, клуб ва мухлислар билан фахрланаман. Жамоанинг жанговар руҳи ва ўйин услуби ажойиб бўлди, бу эса уларнинг юксак характерини намоён этди.

Бугунги натижа шунчаки тўртта гол уришдан кўра кўпроқ маъно касб этади. Яъни натижа фақат голлар орқали эмас, балки мақсадга турли йўллар билан эришиш ва ҳар бир вазиятда энг тўғри ечимларни топишни амалда кўрсатди. Ҳар доим ўйинчиларни уларнинг хусусиятлари ва рақиб жамоага қараб турли позицияларга жойлаштириш устида ишлайман.

Жамоа тўғри йўлдан бораяпти, футболчилар ўртасида шаклланиб бораётган ҳамжиҳатлик ва жамоавий руҳни алоҳида эътироф этмоқчиман", деди португалиялик мутахассис.

Link :

Source : championat.asia

Receive latest football news directly on your phone. Subscribe for our Telegram channel!

Rating: -1