Championat.asia ва Transfermarkt Суперлиганинг сентябрь ойидаги энг яхши мураббийи ва футболчисини аниқлади
08 oct 12:00
News

Championat.asia ва Transfermarkt Суперлиганинг сентябрь ойидаги энг яхши мураббийи ва футболчисини аниқлади

Сўровномада Championat.asia ходимлари ҳамда Transfermarkt'нинг рус бўлими раҳбари Георгий Лекарев ва меҳмон эксперт – "Спорт" телеканали шарҳловчиси Отабек Жўраев иштирок этди.

Ҳисоб-китобда сентябрь ойида (21, 22, 23) бўлиб ўтган учта ва октябрь ойи бошида (24) ўтказилган битта ўйин инобатга олинди.

Овоз бериш якунларига кўра, Камолиддин Тожиев Суперлиганинг сентябрь ойидаги энг яхши мураббийи деб топилди. Унинг қўл остида "Пахтакор" учта ўйинда ғалаба қозониб, биттасида дуранг қайд этган. Тожиев 41% овоз олган бўлса, "Қўқон-1912" устози Бахром Ҳайдаров 36% овоз билан иккинчи ўринни эгаллади.

"Пахтакор" дарвозабони Владимир Назаров Суперлиганинг сентябрь ойидаги энг яхши футболчиси деб топилди. У тўртта учрашувдан учтасида дарвозаси дахлсизлигини сақлаб қолди ва фақат битта гол ўтказиб юборди. Назаров 32% овоз тўплаган бўлса, "шерлар"нинг яна бир вакили Игорь Сергеев (27%) иккинчи поғонадан жой олди.

Link :

Source : Championat.asia

Receive latest football news directly on your phone. Subscribe for our Telegram channel!

Rating: