Вадим Абрамов: "Бундай кўп тўхталишлар мухлисларга ёқади деб ўйламайман"
20 apr 23:02
News

Вадим Абрамов: "Бундай кўп тўхталишлар мухлисларга ёқади деб ўйламайман"

Суперлиганинг 6-туридан ўрин олган "Андижон" - "Динамо" учрашувидан сўнг меҳмонлар бош мураббийи Вадим Абрамов фикрларини билдириб ўтди.

"Ўйин ҳақида тўхталадиган бўлсам, юқори босим остида кечди дея оламан. Айниқса ўйинда бундай тўхталишлар бўлаверса ритмни бузади. Бу мухлисларга ёқади деб ўйламайман. Фақатгина ҳоккейда бундай кўп тўхталиш бўлади, бешталик алмашади. Бу футболнинг фойдасига хизмат қилмайди. "Андижон" яхши жамоа. Биринчи бўлимда тенглик кузатилди. Иккинчи бўлимда устунликни қўлга олдик. Вазиятларимиздан фойдаландик. "Андижон" стандарт вазиятларда яхши ўйнашини билардик, шундай бўлди ҳам. Ўйин якунида омад бизга кулиб боқди",- дейди Вадим Абрамов.

Улуғбек Абдуллаев йиқитилган вазиятда ВАР ҳам, ҳеч ким реакция қилмади. Унинг боши ёрилди. Пенальти белгиланган вазиятда ҳакам ёнида турган эди. Биз бунга ҳам кўп вақт йўқотдик.

- Ўтган йили "Динамо" тўпурари бўлган Анвар Ҳожимирзаевга сермаҳсуллик етишмаяпти...

- У бугун ўзининг яхши ўйинини кўрсатмади. Ўйлайманки, Анвар кейинги ўйинларга ўзини тайёрлай олади. Бизнинг етакчимиз.

- 10 йил ичида биринчи маротаба "Андижон"ни мағлуб этдик. Жамоанинг ғалабага ишончи қанчалик эди?

- Шубҳасиз биз исталган бошқа шаҳарга борсак ҳам ғалаба учун ҳаракат қиламиз. Мухлислар узоқдан келди, бизга ишонишди. 10 йилда "Андижон"ни ютганимиз ёқимли.

- "Андижон"нинг стандартларига тайёрмидингиз?

- Шу боис қанотда кўп асабийлашдим. Кубокда яна учрашамиз ва бу жиҳатларга эътибор қаратамиз.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +7