Кимлар Туркияга боради? Клубларимизнинг янги мавсумга тайёргарлик режалари ҳақида
02 jan 2022 13:04
News

Кимлар Туркияга боради? Клубларимизнинг янги мавсумга тайёргарлик режалари ҳақида

Маълум муддатли танаффусдан сўнг Суперлига жамоалари янги мавсумга тараддуд кўришни секин-аста бошлаш арафасида туришибди.

Одатда бундай паллада аксарият клублар ўз қароргоҳларида тўпланишади. Таркиб аниқ бўлиб улгургач эса январь ойи охирлари, февраль ойи бошларида хориж йиғинига отланишади. Хўш, бу борада кимда қандай режа? Барчаси қуйидаги жадвалда келтирилган

Клуб номи	Йиғин санаси ва жойи
Пахтакор	05.01- 04.02 Тошкент 05.02 – 20.02 Анталья
Сўғдиёна	04.01 – Тошкент
АГМК	03.01 – Тошкент. Хориж йиғини режада бор.
Насаф	3.01 – Қарши
Бунёдкор	05.01 – Тошкент
Навбаҳор	06.01 20.01 – Анталья
Локомотив	10.01 - Тошкент
Қўқон-1912	04.01 09.01 - Қўқон 11.01 21.01 - Тошкент 25.01 05.02 - Фарғона 09.02 19.02 - Тошкент 22.02 01.03 - Қўқон
Қизилқум	07.01 – Навоий. Хориж йиғини режада бор
Сурхон	Аниқ эмас
Металлург	11.01 19.01 – Бекобод 20.01 01.02 – Тошкент 03.02 18.02 - Анталья
Динамо	05.01 - Самарқанд
Олимпик	04.01 – Тошкент 03.02 – Туркия
Нефтчи	06.01 17.01 – Тошкент 20.01 10.02 – Анталья Учинчи босқич Фарғона

Юқоридаги маълумотларга таяниб айтадиган бўлсак, 7та клуб янги мавсумга тайёргарлик жараёнида хорижда йиғин ўтказади. Қолган клублар эса ўз имкониятларидан келиб чиқиб Тошкентда ёки ўз қароргоҳларида машғулотларни олиб боришади. Ўтган йили ҳам деярли худди шу жамоалар чет элда тараддуд кўрган. Бу мавсум аввалидан Суперлигага чиққан "Нефтчи" улар орасига қўшилди. Пойтахтнинг икки клуби "Бунёдкор" ва "Локомотив" ўз қароргоҳида тайёргарликни олиб боради.

Балки режаларга ўзгартириш киритилиб хорижга чиқадиган жамоалар сони яна кўпайиши эҳтимоли ҳам мавжуд. Буни эса вақт кўрсатади.

Абдулазиз Искандаров