Виталий Денисов: “Нафақат “Ницца”, балки бутун мавсумга тайёргарлик кўриш керак”
06 feb 2018 01:12
News

Виталий Денисов: “Нафақат “Ницца”, балки бутун мавсумга тайёргарлик кўриш керак”

Ўзбекистон миллий терма жамоаси ҳамда “Локомотив” клуби ҳимоячиси Виталий Денисов Испания йиғини ҳақида берилган саволларга жавоб қайтарди.

Испанияда йиғин ташкил этаётган Москва “темирйўлчилари” бугун “Кальмар” (1:1) клубига қарши ўртоқлик учрашуви ўтказишди.

– Машғулотлар режа асосида давом этяпти. Бугунги ўйинда курашувчанлик характерини намойиш эта олдик. Майдоннинг ҳолати яхши эмаслигини ҳам қайд этиш жоиз.

- Пик формага чиқиб олдингларми?

– Шунга қараб боряпмиз. Биринчи расмий ўйинимизгача пик спорт формасига кириб олсак яхши бўларди.

- Жамоа Европа Лигаси доирасидаги “Ницца”га қарши кечадиган ўйинга тайёрми?

– Биз нафақат “Ницца”, балки бутун мавсумга тайёргарлик кўряпмиз. Шунга қарамай, Франция клубини назарий машғулотларда ўрганяпмиз.