Темур Олимхўжаев: "Чиройли футбол кўрсатиб, барча ўйинларда ғалаба қозониш учун келдик"

Бу ўйин Темур Олимхўжаев бошчилигидаги жамоанинг Фаластинда ўтказилаётган саралаш босқичидаги дастлабки учрашувидир.

Саралаўнинг “А” гуруҳи, 1-тур ўйинлари олдидан матбуот-анжуманиташкил этилди. Унда иштирок этган Ўзбекистон U-16 бош мураббийи Темур Олимхўжаев ўз фикрлари билан ўртоқлашди.

“Авваламбор, бизни бу ерда жуда илиқ кутиб олишгани ва бизга барча шароитларни яратиб бераётгани учун Фаластин Футбол Асоциациясига шунингдек ОФК вакилларига ўз миннатдорчилигимни билдираман. Бу менинг Фаластинга илк ташрифим. Лекин бу каби саралаш турнирларида аввал ҳам иштирок этганман. Хусусан 2002 йили бўлиб ўтган ёшлар ўртасидаги Жаҳон чемпионатига жамоамни олиб чиққандим. Бундан ташқари 2013 йилда ҳам саралаш турнирида иштирок этиб, жамоамни финал босқичига олиб чиққандим. Аммо саломатлигим ёмонлашгани сабаб финал босқичига бора олмадим”.

“Имкон қадар рақибларни ўрганишга ҳаракат қилдик. Уларнинг барчаси чиройли, техник футбол намойиш қилишади. Аммо биз бу ерга барча ўйинларда ғалаба қозониб, мухлисларни хурсанд қилиш учун ташриф буюрганмиз. Таркибимизда Ўзбекистоннинг барча вилоятларидан истеъдодли футболчилар бор. Олдимизга гуруҳда биринчи ўринни олиш вазифаси қўйилган ва биз буни уддалай оламиз, деб ўйлайман”, - дейди Темур Олихўжаев.

Эслатиб ўтамиз, Мальдив ороллари ўсмирлар терма жамоасига қарши ўйин Тошкент вақти билан 18:00да бошланади.