Суперлига. "Динамо" – "Бухоро" 3:1 (матнли трансляция)

Суперлига

25-тур

"Динамо" – "Бухоро" 3:1 (LIVE)

Самарқанд. "Динамо" стадиони. 19:15

Голлар: Фирдавс Абдураҳмонов 59', Марко Станоевич 71', Фирдавс Абдураҳмонов (Жалолиддин Жумабоев) 76' – Тома Табатадзе 20'

Бош ҳакам: Равшан Абдувоҳидов

Ёрдамчи ҳакамлар: Руслан Серазитдинов, Бахтиёрхўжа Шавкатов

Захира ҳаками: Азиз Жуманов

Назоратчи: Александр Попов

VAR: Найим Қосимов

AVAR: Тимур Гайнуллин

Комиссар: Ойбек Давлетмуродов

"Динамо": 27.Эдем Неманов, 6.Жаҳонгир Ўрозов, 7.Ратиньо, 8.Санжар Қодирқулов (25.Ойбек Ўрмонжонов, 53), 10.Анвар Ҳожимирзаев, 16.Ричард Фрайдей (99.Улуғбек Ҳошимов, 53), 18.Олександр Кучеренко, 20.Жалолиддин Жумабоев, 37.Фирдавс Абдураҳмонов, 55.Дмитрий Плетнёв (88.Марко Станоевич, 53), 77.Маҳмуд Маҳамаджонов.

Захира: 13.Равшанбек Ягудин, 9.Миржаҳон Мираҳмадов, 11.Хислат Халилов, 14.Баҳодир Насимов, 22.Улуғбек Абдуллаев, 23.Беҳрузбек Облақулов.

"Бухоро": 1.Ширинбой Абдуллаев, 2.Иззатилло Пўлатов, 5.Сардор Қулматов, 10.Азизбек Амонов (97.Шаҳбоз Жўрабеков, 66), 17.Жавоҳир Рўзиев, 22.Тома Табатадзе, 25.Фране Чирьяк, 27.Муҳаммад Йўлдошев, 33.Йосип Томашевич, 88.Доминик Бегич, 93.Марко Колакович.

Захира: 21.Отабек Боймуродов, 6.Равшан Хайруллаев, 8.Анвар Жўраев, 9.Амирбек Саидов, 11.Иброҳим Нўмонов, 14.Алишер Хайруллаев, 19.Билол Туплиев, 95.Нодирбек Аҳмаджонов.

Огоҳлантириш: Муҳаммад Йўлдошев (62).

МАТНЛИ ТРАНСЛЯЦИЯ

ЯНГИЛАШ

85. "Бухоро"да 2 та алмаштириш: Чирьяк ўрнига Равшан Хайруллаев, Табатадзе ўрнига Садиов майдонга тушди. 

81. Зарбааа! Ўрмонжонов ишонч билан ичкарига кириб борди, аммо якунда унинг зарбаси ҳимоячига тегиб қайтди. 

80. "Бухоро" анча бўшашди ва "Динамо" эса аксинча иккинчи бўлимда катта куч билан олдинга бормоқда. 

76. ГОЛ! Учрашувда энг фаол бўлиб турган Абдураҳмонов яна катта саҳнага чиқди! Жумабоевнинг қулай паси ва Абдураҳмоновнинг кучли зарбасидан сўнг ҳисоб 3:1 га ўзгарди! 

74. Бегич бел қисми билан қаттиқ йиқилди. Шифокорлар ўзгариш қилишни сўради. 

71. ГОЛ! Марко Станоевичдан супер гол! Тажрибали ярим ҳимоячи жарима зарбаси орқали олис масофадан тўп киритди, дарвозабон Абдуллаев ўрнида қотиб қолди – 2:1! 

70. Колакович Ҳожимирзаевга нисбатан қоидани бузди, мезбонларда қулай стандарт, аммо масофа узоқ. 

66. "Бухоро"да алмаштириш: Амонов ўрнига Жўрабеков баҳсга қўшилди. 

62. Йўлдошев Ўрмонжоновни ортдан туриб йиқитгани учун огоҳлантирилди. 

59. ГОЛ! Фирдавс Абдураҳмонов жарима майдончаси ичида бухороликлар ҳимоячисидан келган тўпни кучли зарбаси орқали шунчаки дарвозага "михлаб қўйди" – 1:1!

56. Ўрмонжонов ўнг қанотда кетма-кет 3 рақибни алдаб ўтди, аммо тўпни майдонда сақлаб қололмади. 

53. "Динамо"да 3 та ўзгариш: Плетнёв ўрнига Станоевич, Фрайдей ўрнига Ҳошимов, Қодирқулов ўрнига Ўрмонжонов туширилди. 

52. Доминик Бегич тўқнашувда иштирок этиб, бироз майдонда ётди ва кейинроқ ўрнидан турди. 

49. Табатадзе ҳужумда фоль ишлатди ва ҳакам бироз туриб ўйинни тўхтатгач, унга эътироз билдирди.  

46. Иккинчи бўлим бошланди! 

45. Биринчи бўлимга 3 дақиқа қўшиб берилди. 

45. Чирьяк Фрайдейга нисбатан қўполлик ишлатди, аммо ўзи жабрланди. 

40. Маҳамаджонов тўпги интилиш чоғида рақибга нисбатан қўполлик ишлатди, ҳакам ҳужумда фоль ишлатилди деб топди, бу эса самарқандлик мухлисларга ёқмаяпти. 

37. Амонов ва Пўлатов Плетнёвни бир пайтда йиқитишди. 

34. Ух! Амоновнинг олис масофадан ҳаволатиб ошириб берган тўпи Немановнинг қўлидан чиқиб кетишига бир бахя қолди.

31. "Бухоро" ҳимоя чизиғи ишончли ўйин кўрсатмоқда. Айниқса, ҳаводан келаётган тўпларни кўп маротаба узоқлаштиришмоқда. 

26. Зарбааа! Маҳамаджоновнинг ҳаволатиб амалга оширган узатмасидан сўнг Ҳожимирзаев бош билан зарба йўллади, ноаниқ. 

22. Зарба! Анвар Ҳожимирзаевнинг чамаси 18 метрдан йўллаган зарбаси Ширинбой Абдуллаевга қийинчилик туғдирмади. 

20. ГОЛ! "Динамо" жарима майдончаси ичида юзага келган пала-партиш вазиятдан Табатадзе унумли фойдаланиб кетди. Грузиялик ҳужумчининг ерлатиб берган зарбасидан сўнг тўп дарвоза тўридан жой олди – 0:1!

16. Зарба! Маҳамаджоновнинг жаримадан йўллаган зарбасидан кейин тўп жонли деворга тегиб майдонни тарк этди, 

14. Фрайдей қанотдан олдинга ўтиб, ичкарига пас узатди, бироқ тўпни дарвозабон Абдуллаев эгаллаб олди. 

10. Колакович майдон марказида Ҳожимирзаевга нисбатан қўпол ҳаракат қилди ва қоидани бузган бўлса-да, ҳакамнинг фикрига қўшилмаяпти. 

7. "Динамо" мухлислари севимли жамоасини тинимсиз қўллаб-қувватламоқда. Жамоа ҳам шунга монанд ишонч билан, мезбонларга хос тарзда тўп тепмоқда. 

4. Уууух! "Динамо"дан дастлабки хавфли ҳужум! Ричард Фрайдей бирга-бир ҳолатга чиқиб бориб зарба берди, тўпни Абдуллаев қайтарди, қайтган тўпни Ҳожимирзаев дарвозага киритолмай қолди... 

1. Баҳс бошланди! 

- Учрашув Тошкент вақти билан 19:15 да бошланади.