Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Темур Кападзе: "Бугунги иккита ўйинда дуранг қайд этилади" News

Темур Кападзе: "Бугунги иккита ўйинда дуранг қайд этилади"

Шу кунларда бутун дунё футбол жамоатчилигининг диққат-эътибори Бразилия яшил майдонларида давом этаётган ЖЧ-2014га қаратилган.
Бугунга келиб плей-офф босқичининг аксарият иштирокчилари аниқланиб бўлди. Кутилмаганда, амалдаги жаҳон чемпиони Испания, шунингдек, ғолиблик учун даъвогарлардан бири ҳисобланган Англия терма жамоалари иккитадан мағлубият қайд этиб, гуруҳдан ҳам чиқа олишмади. Бугун мундиалнинг 2-тури доирасида яна 3 та учрашув ўтказилади. Биз бугунги ўйинлар олдидан Ўзбекистон миллий терма жамоаси ҳамда Қозоғистон чемпиони Актобе клуби ярим ҳимоячиси Темур Кападзенинг фикрлари билан қизиқдик.

- Темур, ЖЧ-2014 ўйинларини кўриб боряпсизми?

- Албатта. Жуда ҳам кўп кутилмаган натижалар қайд этиляпти.

- Шу кунгача ўтказилган ўйинлар ҳақида умумий фикрингиз қандай?
- Фикрим шуки, мутахассисларнинг жаҳон чемпионати олдидан айтган фикрлари ҳақиқатга яқинлашиб боряпти. Яъни аксарият мутахассислар Жаҳон кубоги Лотин Америкасида қолади, дейишганди. Ҳақиқатан ҳам, бу қитъа жамоалари кучли ўйин намойиш этишяпти. Бразилия, Уругвай, Аргентина, Колумбия, Чили терма жамоалари ўз мухлисларини хушнуд этишяпти. Португалияга қарши кечган ўйиндан сўнг Германиянинг ҳам чемпионлик йўлидаги имкониятини юқори баҳолагандим. Лекин Гана билан ўйиндан сўнг бироз иккиланиб қолдим.

- Бугун ўтказиладиган Россия  Бельгия, Жазоир  Жанубий Корея, АҚШ  Португалия ўйинларидан нималарни кутяпсиз? Шунчаки, ҳисобни тахмин қилиб кўринг.

- Бугунги ўйинда Россия терма жамоасининг ғалаба қозонишини истайман. Лекин бу осон кечамайди. Бельгиянинг ҳозирги авлоди жуда ҳам кучли. Менимча, бугун Бельгия ғалаба қозонади ёки 1:1 ҳисобидаги дуранг натижа қайд этилади. Жазоир ва Жанубий Корея учрашувида ҳам ғолиб аниқланмайди. Португалия эса Германиядан қабул қилиб олинган қақшатқич мағлубиятни унутган бўлса, бугун ғалаба қозониши керак. Мен ўз тахминларимни қилдим. Олдинга ўтиб шуни айтишим керак, бугунги уччала ўйинда ҳам жамоаларга очко олиш осон кечмайди. Имкониятлар деярли бир хил.

- Жаҳон чемпионат тўпурари ким бўлади?
- Карим Бензема ёки Томас Мюллер.

- Финалда ким ўйнайди?
- Германия, Бразилия ва Голландия терма жамоаларидан иккитаси финалга қадар етиб келса керак. Бу менинг шахсий фикрим.

Камолиддин АЛИМОВ суҳбатлашди
Rating:    

Comments

championat.asia
< show latest news
Яндекс.Метрика