Ташкилий қўмита Осиё Кубогига доир масалаларни кўриб чиқди
27 nov 2017 15:09
News

Ташкилий қўмита Осиё Кубогига доир масалаларни кўриб чиқди

Tags : ОФК Осиё Кубоги-2019

ОФК мусобақаларни ташкил этиш қўмитаси Таиланд пойтахти Бангкокда йиғилиб, 2019 йилда бўлиб ўтадиган Осиё Кубогига доир баъзи масалаларни кўриб чиқди.

Маълумки, ушбу мусобақа 2019 йилнинг 5 январидан 1 февралига қадар БААда ўтказилади. Мазкур мусобақада биринчи бор иштирокчилар сони кенгайтирилиб, турнирда 24та жамоа қатнашади. Мутахассисларнинг тахминича, навбатдаги Осиё Кубоги тарихдаги энг эсда қоларли мусобақалардан бири бўлади.

Ташкилий қўмита раиси Сауд Ал Муҳаммад йиғилиш давомида жамоалар сони 16тадан 24тага оширилганидан мамнун эканлигини айтиб ўтди, шунингдек мусобақани юқори савияда ўтказиш учун барча керакли чоралар қўлланилишини қўшимча қилди. ОФК расмий сайтининг маълум қилишича, 2018 йил 27 апрель санасида Осиё Кубоги учун қуръа ташлаш маросими бўлиб ўтади.

Link :

Source : the-afc.com

Receive latest football news directly on your phone. Subscribe for our Telegram channel!

Rating: +3