Latest news

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  4 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  42 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

Спортимиз фидойисини ёдлаб ёхуд "Истиқлол" жамоаси хотира турнири ғолиби News

Спортимиз фидойисини ёдлаб ёхуд "Истиқлол" жамоаси хотира турнири ғолиби

Инсон ҳамиша эзгуликка интилиб яшайди. Болаликдаги буғубор орзу-истаклари, улғайиб ўсган сайин ўз таъсирини ўтказади.

Ҳаёт йўлида эса сабр-тоқатли, тиришқоқ ва меҳнаткаш кишигина кўзлаган мақсадига эришади, эл орасида обрў-эътибор, ҳурмат топади. Шубҳасиз, ана шундай эъзозга сазовор бўлган инсонлардан бири урганчлик “Меҳнат шуҳрати” ордени соҳиби Шуҳрат Ваисовдир.

У умрини спортга бағишлаган инсонлар сирасидан. Шуҳрат ака ёшлигидан волейболга қизиқди. Ушбу спорт туридан қатор муваффақиятларга эришди. Сўнгра, Хоразм вилояти халқ таълими бошқармасига қарашли болалар ва ўсмирлар спорт мактаби директори вазифасида самарали меҳнат қилди. Шунингдек, бир неча йил мобайнида “Хоразм” футбол жамоаси бошлиғи лавозимида ишлади. Эътиборлиси, у клубда фаолият юритган кезлари жамоа икки марта олий лига (ҳозирги суперлига) йўлланмасини қўлга киритди.




Ҳа айтганча, мамлакатимизниг номдор футболчилари, жумладан, Жамшид Искандеров ва Жалолиддин Машарипова вақтида бу инсон раҳбарлик қилган спорт мактабидан, айнан унинг тавсияси билан “Пахтакор” футбол клуби академиясига “учирма” қилинган эди. Ўшанда, ёш футболчилар 5-синф ўқувчилари бўлган. Таъбир жоизки, Жамшид ва Жалолиддиннинг бугунги даражага етишига спортимиз фидойиси ва жонкуяри Шуҳрат Ваисовнинг ҳиссаси катта бўлган.

Ҳозирда бу инсон фоний дунёни тарк этган. Шундай бўлсада, унинг ҳаётда амалга оширган эзгу ишлари қалбларда мангу яшамоқда. Бир неча йилдирки, Шуҳрат Ваисовнинг порлоқ хотирасига бағишлаб хотира турнирини уюштириш анъана тусига кирган. Табиийки, жорий йил ҳам бундан мустасно бўлмади. Урганч шаҳридаги “Ёшлик” спорт мажмуаси стадионида ўтказилган мусобақада 2008-2009 йилларда туғилган ўсмирлардан ташкил топган жамоалар ўзаро куч синашди.




Шамсиддин ВАИСОВ (Шуҳрат Ваисовнинг фарзанди)
– Тўрт йилдан буён отамнинг руҳини шод этиш мақадида мусобақа ўтказилмоқда. Бундан жуда хурсандмиз, албатта. Зеро, ўтганлар руҳини шод этиш савобли ишдир. Бу азал-азалдан авлодларга ўтиб келаётган эзгу амалларимиздан бири ҳисобланади.

Мусобақанинг ёпилиш маросими тантанали тарзда ташкил этилди. Унда Ш.Ваисовнинг оила аъзолари, спорт фахрийлари ва яқин инсонлари жам бўлишди. Эътиборлиси, улар орасида Россия Федерациясидан ташриф буюрган дўстлари ҳам бор эди.




Булат ГАЛЕЕВ (дўсти, Россия) – Ҳаётимни асосий қисми Ўзбекистон, хусусан, Урганч шаҳри билан боғлиқ. Бу инсон билан кўп йиллар бирга ишладик. Унинг инсоний фазилатлари кенг қиррали эди. У қайси лавозимда ишламасин, ташаббускорлиги ва талабчанлиги билан ажралиб турарди. Ушбу мусобақа унинг эзгу ишларининг давоми бўлди, десам янглишмайман.

Хотира турнирининг якуний натижаларга кўра, фахрли учинчи ўринга “Бинокор” ва “Жуниор” жамоалари лойиқ кўрилди. Иккинчи ўрин “Жайҳун” жамоасига насиб этди. Ғолибликни эса “Истиқлол” жамоаси қўлга киритди.




Жамоладдин АБДУЛЛАЕВ (спорт мактаби директори) – Мусобақамиз ҳар сафаргидек байрамона тарзда ташкил этилди. Иштирокчи жамоаларнинг футболчилари ғалабага бўлган ирода ва иштиёқини тўла намойиш қилишди. Бир сўз билан айтганда, мазкур биринчилик ёш “чарм тўп” ўйини усталари учун ўзига хос маҳорат ва тажриба мактаби вазифасини ўтади.

Ўз навбатида ғолиб ва совриндор жамоалар, уларнинг футболчилари Шуҳрат Ваисовнинг оила аъзолари, Спортнинг ўйин турлари ва енгил атлетика бўйича ихтисослаштирилган спорт мактаби, Ўзбекистон “Ёшлик” ЖТСЖ Хоразм вилояти минтақавий бўлими ва “Маҳалла” хайрия жамоат фонди Шовот тумани бўлинмаси томонидан рағбатлантирилди.

Кези келганда айтиб ўтиш жоизки, ташкил этилаётган бундай мусобақалар ёшларимиз қалбида инсонларга нисбатан ҳурмат ва эҳтиром ҳиссини уйғотишда, миллий қадриятларимизни авлодларга етказишда муҳим аҳамият касб этади. Асосийси, ёш “чарм тўп” ўйини усталарининг маҳоратини оширишга хизмат қилади.




Икром ХУДОЙБЕРГАНОВ,
Ўзбекистон Журналистлари уюшмаси аъзоси.

Rating:    

Comments

championat.asia
< show latest news
Яндекс.Метрика