Сарри: “Терри бизга ёрдам берса, хурсанд бўлардим”

“Бизнинг охирги суҳбатимизда у яна бир мавсум тўп тепиш ниятида эканлигини айтди. Айни пайтда вазият қандай эканлигидан бехабарман. Албатта, “Челси” унинг уйи. Агар у қайтса, ўйлашимча, мураббийлик штабига қайтиши мумкин. Аввал айтганимдек, мен ёш футболчиларга имкон бермоқчиман. Бахтимизга, бизда ажойиб ёш футболчилар жамланган.

Террининг жамоага қайтиши барча учун ажойиб воқелик. Агар у яна тўп тепмоқчи бўлса, майли, ўйнайверсин. Бу тўғри, қарор. Агар у бизга ёрдам бермоқчи бўлса, мен бундан ўзимни бахтиёр ҳис қилардим”, дея Саррининг сўзларидан иқтибос келтирмоқда Sky Sports.