Рўзиқул Бердиев: "Бунёдкор" натижа учун ўйнади ва ўз мақсадига эришди"
15 oct 2016 19:09
News

Рўзиқул Бердиев: "Бунёдкор" натижа учун ўйнади ва ўз мақсадига эришди"

Олий лиганинг 25-туридан ўрин олган "Бунёдкор" - "Насаф" (1:0) учрашуви якунланганидан сўнг ташкил этилган матбуот анжуманининг дастлабки қисмида "аждарлар" бош мураббийи Рўзиқул Бердиев иштирок этди.

- Футболда асосийси натижа. Бугун "Бунёдкор" жамоаси натижа учун ўйнади ва ўзига керакли 3 очкони қўлга киритди. Биз ўйин жиҳатидан яхшироқ ўйнагандирмиз, аммо ўзимиз мақсад қилган камида бир очкони ҳам ололмадик. Иккинчи бўлимда кўпроқ ташаббусга эга бўлдик. Аммо кўплаб позицион ҳужумларимизни голга айлантира олмадик. Муҳаммадиевни захирага олганимиз бу тактик ўзгариш бўлди. Шерзод Аъзамовни эса жароҳат олгани учун захирага олишга мажбур бўлдим.