Расман: "Насаф" ўтиш босқичида, "Бунёдкор" плей-офф босқичида ўйнайди
13 dec 2016 13:07
News

Расман: "Насаф" ўтиш босқичида, "Бунёдкор" плей-офф босқичида ўйнайди

2017 йилги Осиё чемпионлар лигаси саралаш босқичида Ўзбекистоннинг 2 клуби иштирок этади.

Қаршининг "Насаф" клуби гуруҳ босқичига чиқиши учун икки клуб тўсиғидан ўтиши керак бўлади. 31 январь куни биринчи саралаш босқичида "Насаф" ўз майдонида Баҳрайн чемпиони "Ал Хидд" клуби билан куч синашади. Ушбу жуфтлик ғолиби 7 февраль куни Саудия Арабистонида "Ал Фатеҳ" меҳмони бўлади. Ушбу учрашув ғолиби гуруҳ босқиига чиқади.

"Бунёдкор" эса мусобақани 2-саралаш босқичидан бошлайди. "Қалдирғочлар" 7 февралда Қатарда "Ал Жайиш" меҳмони бўлишади. Мазкур ўйинда ғолиб бўлган жамоа гуруҳ босқичига йўлланма олади.

Бугун ушбу маълумотларни ОФК тасдиқлади. "Локомотив" клуби эса бугун бўладиган қуръадан сўнг гуруҳдаги рақибларини билиб олади.