"Қўқон-1912" Тошкентда йиғинни давом эттирмоқда. 16 январь куни "Нефтчи" билан ўртоқлик ўйини

Машғулотлар кунига икки маҳалдан олиб борилмоқда. Ўтган мавсумни сўнггида оёғида кичик жарроҳлик амалиётини ўтказган ёш ҳужумчи, Хамидилло Абдухамидов шифокорлар назорати остида алоҳида шуғулланмоқда. Қолган барча футболчилар соғ-саломат. Улар машғулотларда  астойдил тер тўкишмоқда. 

Кечаги машғулотларда жамоа таркибига  қўқонлик дарвозабон Хуршид Хўжаев келиб қўшилган. Маълумот ўрнида таъкидлаш жоиз маҳоратли кипер ўтган мавсумни Про лига вакили "Истиқлол" жамоасида ўтказган эди. 

“Шунқорлар” Тошкент йиғини давомида иккита назорат учрашуви ўтказишни режа қилишган. Уларнинг биринчиси ўз олдига Суперлига йўлланмасини қўлга киритишни мақсад қилган  Фарғонанинг “Нефтчи” жамоасига қарши бўлиб ўтади. “Фарғона дерби”си 16 январь куни ўтказилиши режа қилинган. Учрашув ўтадиган жой ва вақти яқин кунларда маълум қилинади.

Жамоанинг кечаги машғулотни ёрдамчи мураббий Зоҳид Нурматов бошчилигида қувноқ кайфиятда ўтказди.

"Машъал"дан келиб қўшилган Мўмин Мелиев жамоага тезда киришиб кетишга ҳаракат қилмоқда.

Музаффар Абдуллаев ва Хуршид Хўжаев.

Қувондиқ Рўзиевдан бу йил мухлислар янада кўпроқ нарса кутишлари табиий.

Андижонда "Бобур Арена" очган Бобир Акбаров машғулотларда фаолликни қўлдан бой бергани йўқ.

Элдор Адҳамов: "Қўқон-1912"га янада ўсиш учун келдим

Мурод Ҳолмуҳаммедов жорий йилда янада кўпроқ гол уришни мақсад қилган бўлса ажаб эмас.