"Қўқон-1912" ОФК кубоги финалчисига қарши ўйнайди
16 feb 2018 13:21
News

"Қўқон-1912" ОФК кубоги финалчисига қарши ўйнайди

Tags : Қўқон-1912 Истиқлол Тожикистон

Тошкент шаҳрида мавсумга тайёргарлик кўраётган "Қўқон-1912" жамоаси мураббийлари ўз режаларига бироз ўзгартириш киритишди.

Режага кўра "Қўқон-1912" 18 февраль куни Фарғонанинг "Нефтчи" жамоаси билан ўртоқлик ўйини ўтказиши керак эди. Фарғоналиклар шу куни ЎФА вакилларига жисмоний тест синовларини топширишлари муносабати билан ушбу ўртоқлик ўйини бекор қилинди.

Энди жамоага 18 февраль куни Тожикистоннинг энг номдор жамоаси, Душанбенинг "Истиқлол" клуби рақиб бўлишади. Душанбеликлар айни кунларда Тошкентда йиғин ўтказишмоқда. Ушбу клуб ўтган йил ОФК кубоги финалига чиқиб "Ал Қува Ал Жавия" клубига ютқазиб қўйганди - 0:1.

"Қўқон-1912" - "Истиқлол" ўртасидаги ҳалқаро ўртоқлик ўйини 18 февраль куни, соат 15-30да, "Обод" стадионида бошланади.