Қатар юлдузлар лигаси, 7-тур. Сардор Рашидов захирадан майдонга тушди ва иккита гол урди!

Ҳамюртимиз Сардор Рашидов ҳаракат қилаётган Қатарнинг "Ал Жайиш" жамоаси чемпионатнинг 7-турида "Ал Вакраҳ" меҳмони бўлди. Сардор Рашидов учрашувни захира ўриндиғида бошлади. Жамоанинг ишлари юришмаётган паллада "Ал Жайиш" бош мураббийи юртдошимизни иккинчи бўлимда майдонга туширди. Сардор Рашидов учрашувнинг 81 ва 85-дақиқаларида гол киритди ва жамоасига муҳим уч очкони тақдим этди.

Қатар юлдузлар лигаси, 7-тур.

"Ал Вакраҳ" - "Ал Жайиш" 1:2

Голлар: Саез (63), Сардор Рашидов (81, 85)

"Ал Жайиш": К.Н`Диайе, Лукаш Мендеш, Нажи Ҳуссейн, Яссер Абубакар Эсса, Абдулраҳмон Исса, Сереқи, М.Матхани (Сардор Рашидов, 57), Ромариньо, Олави, Мажид Муҳаммад (Жеело, 69), Ҳамдаллаҳ (Рибейро, 31).