Қашқадарё банклар лигаси: “Трастбанк” жамоаси тўрт йилдан сўнг биринчи бор мағлубиятга учради

Қашқадарё банклар лигасининг 4-турини якунлаб берган ўйин кутилмаган натижа билан тугади

Турнинг марказий учрашуви “Трастбанк” ва “Марказий банк” жамоалари ўртасида кечди.

Мазкур баҳсда “Марказий банк” сенсацион тарзда “Трастбанк”ни мағлуб этди. Якуний ҳисоб 3-2 “Марказийбанк ” жамоаси тўрт йилдан буён мағлубият нималигини билмаган “траст”чиларни ғалабали сериясига барҳам берди.

- Жамоамиз айрим сабабларга кўра, марказий тур учрашувига тўлиқсиз  таркиб билан майдонга саф тортишди. Қизиқарли баҳсда жамоадошларим ғалабага вақтли ишониб юборишди натижада баҳснинг сўнгги дақиқаларида ўз дарвозамиздан тўп олиб чиқишга мажбур бўлдик.

Рақибимиз бутун ўйин давомида анча ишончли ҳаракат қилишди ва улар  ўз мақсадларига эришди. “Марказий банк” жамоасини ғалаба билан табриклайман.- деди учрашувдаги гол муаллифи Дилшод Донаев.

Фаҳриддин Чориев