Latest news

00:4437 ёшли Куадрадонинг янги клуби маълум  4 00:11Вирц "Ливерпул"да қайси рақамни олди?  3 23:42Отабек Нарзуллаев: "Менга ёққан томони - футболчиларимиз охиригача курашди"  0 23:22Камолиддин Тожиев: "Танаффусдан кейин тезда тонусга тушиб олиш осон эмас"  2 23:10Миржалол Қосимов: "Иккинчи даврани ғалаба билан бошлашни мақсад қилгандик"  1 22:55"Истанбул Башакшехир" ўртоқлик ўйинида "Истанбулспор"ни минимал ҳисобда мағлуб этди, Шомуродов ва Файзуллаев баҳсда иштирок этди  10 22:49Улуғбек Бакаев: "Футболда шунақа: сен урмасанг, сенга уришади"  6 22:20Manchester Evening News журналисти "Ман Сити"нинг Ҳусанов бўйича режаларини хабар қилди  5 21:58Суперлига. "Пахтакор" "Машъал" устидан минимал ғалабага эришди  37 21:55Суперлига. ОКМК Қаршида "Бухоро"дан устун келди   17 21:35Тадич янги клубга ўтди  0 21:05"Бавария" футболчиси Лондон клубига ўтади  1 19:53"Ливерпуль" келаси мавсум учун либосларини тақдим этди  12 19:27Сюрприз! Балотелли Испаниянинг 3-дивизион клубига ўтиш арафасида  4 18:34Исак "Ливерпул"га ўтишни истамоқда, "Ньюкасл" эса қарши  6

Пул топишни "Пахтакор"дан ўрганиш керак News

Пул топишни "Пахтакор"дан ўрганиш керак

Суперлига клублари ёзги трансфер ойнасида таркибларида ўзгаришларга қўл урди.

Кимдир янги футболчи жалб қилди, яна кимдир футболчи сотувидан даромад қилди ёки ижарага бошқа клубларга бериб юборди. Табиийки бунда икки томонда манфаатлар тўқнашуви ётади. Қайсидир томон фойда кўриши керак бўлади. "Пахтакор" ёзги трансфер ойнасида Суперлиганинг қолган жамоаларидан фарқли пул томонлама фойда кўра олди. Эндиликда жамоа чемпионлик курашига қайтишни мақсад қилган. Бунга эса сабаблар етарлича. 

"Пахтакор" мураббийга ниҳоят ёлчиди

Педру Морейра бошқарувидаги муваффақиятсиз сериядан сўнг, Камолиддин Тожиевга ишонч билдирилди. У аввал ҳам ўтган мавсумда жамоани қисқа вақт бошқарган, мавсумни Шацких якунлаб қўйганди. Аммо бу гал вазият бошқача тус олди. Тожиев раҳбарлигида жамоа кетма-кет 7 ўйинда мағлуб бўлмади ва 17 очко жамғарди. Ўзбекистон Кубогидаги 2 та ўйинни ҳам қўшсак умумий 9 та беллашув. 

Айниқса, Қаршидаги "Насаф"га қарши иродали дуранг ҳамда Тошкентда "Навбаҳор" устидан қозонилган ғалаба жамоа кайфиятини кўтарди. Қиёс учун: Морейра 8 учрашувда 9 очко тўплаган бўлса, Тожиев 7 ўйинда 18:4 тўплар нисбати билан 17 очко жамғарди. Бу унинг муваффақиятли тактик ечимлари ва жамоа ичидаги ишонч муҳити самарасидир.  Футболчилар мураббийга ишонмоқда, жамоа ҳар бир ўйинда ўзининг кучли тарафларидан максимал фойдалана оляпти. Фақат муаммо Тожиевда Про лицензияси йўқлиги. 

Ёзги трансферлар. "Пахтакор" пул топишни уддалаяпти

Ёзги трансфер ойнасида "Пахтакор" нафақат спорт, балки молиявий томондан ҳам ютиб чиқди. Жамоа қуйидаги футболчилар билан хайрлашди:

Муҳаммадали Ўринбоев ("Антверпен", Бельгия), Абдулла Абдуллаев ("Дибба Ал-Фужайра", БАА), Отабек Жўрақўзиев, Муҳаммадали Усмонов, Саидумархон Саиднуруллаев (учовлон ҳам "Андижон"га), Улуғбек Ҳошимов ("Динамо"), Жонатан Лукка.

Уларнинг ўрни муносиб тарзда қопланди. Клуб ўзининг собиқ тўп тепарлари Хожимат Эркинов ва Азизбек Турғунбоевни қайтарди, мудофаага ироқлик Заид Таҳсин, ярим ҳимояга Беҳруз Асқаров келтирилди. Ҳужум чизиғига эса Бобир Абдихолиқов қўшилди. У Игорь Сергеевга муносиб рақобат туғдиради.

Қизиғи шундаки, "Пахтакор" бир неча трансферлардан катта фойда кўрди. Биргина Улуғбек Ҳошимов 2021 йилда "Нефтчи"га 200 млн сўмга берилган, 2024 йил ортга қайтди ва бир мавсумдан сўнг "Динамо"га 27 минг долларга сотилди. Муҳаммадали Ўринбоевнинг "Антверпен"га трансфери орқали 300 минг евро ишлаб олинди. Аббос Файзуллаевнинг ЦСКАдан "Истанбул Башакшеҳир"га трансфери эса 10% улуш билан 750 минг евро олиб келди. Бундан ташқари, Шаҳзод Азмиддинов ижараси учун "Андижон"дан тахминан 50, Маҳмуд Маҳамаджоновнинг "Динамо"га ўтишидан 80 миллион сўм олди. "Пахтакор"дан ниҳоятда ақлли юриш ва ҳаракат дея оламиз. Бировнинг чўнтагидаги пул билан ишимиз йўқ лекин "Пахтакор" бу борада қолганлардан кўра яхшироқ ҳаракат қиляпти. Футболчидан майдонда ҳам, майдон ташқарисида ҳам фойдаланишни уддасидан чиқмоқда. 

Август — "шерлар" учун имтиҳон ойи

"Пахтакор"ни иккинчи давра бошида жуда зич ва қийин тақвим кутиб турибди. Жамоа:

1 август — "Машъал" (сафарда)

5 август — ОКМК (уйда)

11 август — "Динамо" (сафарда)

15 август — "Сўғдиёна" (уйда)

22 август — "Андижон" (сафарда)

Бундан ташқари, "Нефтчи" билан тўқнашув ҳам жуда муҳим. Мана шу 5–6 учрашув жамоанинг мавсумдаги энг ҳал қилувчи палласи бўлиши мумкин. Бу синовлардан муваффақиятли ўта олса, жамоа нафақат кучли учлик, балки чемпионлик пойгаси учун ҳам жиддий даъвогарга айланиши мумкин.

"Шерлар" олтин учун пойгага қайтадими?

Айни дамда "Пахтакор" 26 очко билан 6-ўринда. 3-ўриндаги "Динамо" билан фарқ — 3 очко, "ОКМК" ва "Бунёдкор"дан — 1 очко орқада. "Насаф" эса бор-йўғи 7 очкога илгарилаб кетган. Яъни, чемпионлик пойгасидан умид ҳали йўқолмаган.

Тожиев қўл остидаги "Пахтакор" майдонда ўйини ва руҳи билан бу умидни асоссиз эмаслигини исботлаяпти. Футболчиларда ишонч, жамоада куч, мураббийда эса стратегия бор. Эндиликда барчаси амалиётда ўз исботини топиши керак — барчасини вақт кўрсатади.

Rating: +10   

Comments

+5   
01 aug 13:23:08
JAHONGIR-707
Спорт журналистикамиз спортдан жуда ортда қолибкетган, афсус.
+4   
01 aug 19:10:42
Baxtigali Adilov
Португалия лик тренер га канча кетибди?шуниям аникланг
+4   
01 aug 18:28:35
Football Onlooker
Сарой шоирлари бошлаворишибдию ))
+4   
01 aug 18:21:42
Job Ir
Reply to comment by Shahzod Sayfullayev
Gap Paxtaning marketing soxasi haqida ketyapti qaysi o'zbek klubi shunchakik foyda qilib biladi qolidan kelgani xLqni pulini yeb yotish shuni nazarda tutilgan ozgina maqolani oqib korish kerak yozishdan oldin.
Халкни пулини пахтакор хам доим йеб келган. Энди ортикхужаевга елчиб колдими. Кейин трансфер килишни хамма клуб билади. Лекин асосан трансферлар через тошкент булади. Буни куп исботи булган
+4   
01 aug 17:05:54
Ўзбек футболининг муҳлиси
Пул ишлашни Насафдан ўрганиш керак
+4   
01 aug 13:58:16
Jons
Yaxshi foyda haqidagi gap yaxshi, lekin murabbiy taktikasi degan gapga qo'shilmayman. Tojiyev shunchaki erkinlik berdi, ruhiyat berdi, taktika haqida gapirmanglarey, yigitlar o'zlari o'ynab yuribdi. Paxtakorga aniq taktik, ruhiyatli, murabbiy kelishi shart, shunda bu bolla bilan zo'r jamoa shakillanardi.
+3   
01 aug 19:50:29
Muzaffar
Ушбу суммалар хаммаси Мураббийни шартномасини бекор килиш учун хам етмаган булса керак
+3   
01 aug 18:30:16
Football Onlooker
Reply to comment by Boxoroy Masharipova
менга кара эй ахмок, Пахтакор халк жамоаси мен тошкентликмасман лекин пахтачи сохтакор дейдиган баьзи бир эшшаклар учун олдин пахтакор тарихини урганиб кейин гапиринглар
Халқ ёмон курадиган жамоани қандай қилиб ҳалқ жамоси дейиш мумкин?
+3   
01 aug 14:26:43
Аскарбек Мухитдинов
Nasaf bor yugi 7 ochko ilgarlab ketganmi yuge?????
+3   
01 aug 13:56:25
Shahzod Sayfullayev
Reply to comment by Murod Muxammadiyev
Nasaf bilan bor yo'g'i 7 ochko farq bormish. Agar Nasaf Paxtakordan 7 ochko orqada bo'lganida Paxtakorni chempion qilib qo'ygan bo'lardilaring. Transfer faqat Paxtakorda bo'layaptimi boshqa klublar ham tarkibni kuchaytirib bo'ldi. Ko'zlaring faqat Paxtakorni ko'radi
Gap Paxtaning marketing soxasi haqida ketyapti qaysi o'zbek klubi shunchakik foyda qilib biladi qolidan kelgani xLqni pulini yeb yotish shuni nazarda tutilgan ozgina maqolani oqib korish kerak yozishdan oldin.
+2   
01 aug 16:56:40
Boxoroy Masharipova
Reply to comment by Shahzod Sayfullayev
Gap Paxtaning marketing soxasi haqida ketyapti qaysi o'zbek klubi shunchakik foyda qilib biladi qolidan kelgani xLqni pulini yeb yotish shuni nazarda tutilgan ozgina maqolani oqib korish kerak yozishdan oldin.
менга кара эй ахмок, Пахтакор халк жамоаси мен тошкентликмасман лекин пахтачи сохтакор дейдиган баьзи бир эшшаклар учун олдин пахтакор тарихини урганиб кейин гапиринглар
+2   
01 aug 14:34:56
Faxriddin Raxmonov
Пахтакор бу йил чемпионлигини билмадимку , лекин кубокни қулга киритиш имконияти катта. Пахтакорга омад.
+2   
01 aug 13:46:37
Murod Muxammadiyev
Paxtakor klubiga ixtisoslashtirilgan sayt va xodimlar. O'zbekistonda boshqa klublar ham bor, yaxshi ish qilsa Paxtakorni osmonga olib chiqasilar avvalgi mavsumdagi o'yinlarini hech tahlil qilib maqola yozmadilaring. Paxtakor Paxtakor deb boshqa klub bilan ishlaring ham yo'q. Toshkentda yashaysilar bilaman lekin Toshkentda ham 4-5 ta klub bor
+2   
01 aug 13:41:49
Korrupsioner
Ортик,ху́жаев ажойиб тадбиркор. Зиён к,иладиган бизнесга сарик, чак,а тикмайди. Клуб учун яхшигина сармоя киритди. Клубдаги олди сотдилар Ортик,ху́жаев эффекти.
+2   
01 aug 13:21:33
JAHONGIR-707
Молиявий ҳисобот қисми жуда кучли таҳлил бўлиб кетибди))) Бунақасини кутмагандик
championat.asia
< show latest news
Яндекс.Метрика