Игорь Суров: "Машъал"да катта салоҳият мавжуд"

"Авваламбор, кўрсатилган ишонч учун раҳбариятга миннатдорлик билдирмоқчиман. Шунингдек, бизда катта салоҳият мавжудлигини таъкидлаб ўтмоқчиман. Олдинда бизни жуда кўп ишлар кутиб турибди, аммо биз йигитларга ишонамиз. Ўз устимизда ишлашимиз ва такомиллашишимиз керак бўлган жиҳатлар ҳали кўп.

Ўйлайманки, биз кўп жиҳатдан ўсишимиз керак. Йигитлар ҳаракат қилмоқда. Энг муҳими, уларда психологик, тактик ва жисмоний томонлама ривожланишга интилиш бор. Шунинг учун бу борада бизда катта захира мавжуд деб ҳисоблайман. Бундан ташқари, ўйин интизоми жуда муҳимлигини ҳам алоҳида таъкидлайман.

Барчада ягона мақсад бўлиши ўта муҳим. Ҳозирда бунга эришиш учун бор кучимиз билан ҳаракат қиляпмиз. Йигитлар эса бу борада бизга ҳар томонлама кўмаклашишмоқда. Уларда жипслашишга бўлган кучли хоҳиш ҳам кўриниб турибди. Шу боис, ушбу қадам учун раҳбариятга яна бир бор миннатдорлик билдираман", – деди россиялик мутахассис.

Аввалроқ муборакликлар Игорь Суров бош мураббийга айлангани ҳақида расман маълум қилган эди.